شعرxشعر
الكلام اخد وعطا
قلت الكلام اخد وعطا
ايوه الكلام اخد وعطا
لو تفهمى معنى الكلام
قبل الكلام ترمى السلام
وبلاش تعاندى والسلام
وبلاش تسابقى بالملام
لو فكرة بالصوت تغلبى
تفكير ضعيف تفكير غبى
حيتوه مابينا الاحترام
ويضيع كلامك فى الزحام
من غير ماشرح القول يطول
حابدأ كلامى باالاصول
الابتحترمه العقول
من غير مزايدة او عناد
ولا سبش نار تحت الرماد
بعديها تانى النار تقيد
متخلنيش اعيد وازيد
وتعالى نبدأ من جديد
ننسى المشاكل والخلاف
بالود نلغى الاختلاف
ننسى العناد ويا الاهات
ننسى الاعدى والا فات
خلى الافات تحت الغطا
تلقى الكلام اخد وعطا