مالك عذر والجرح معـاد يعنيـك
ياللي فتحت لك الخفوق ودعيتـك
عطيتك آمالي على شان اراضيـك
وياليتني ما أرضيتـك ولا عطيتـك
تركت فرحة خاطري مـن تغّليـك
وجمّعت لك بيدي جروحي وجيتـك
البارحه ياطـول مسـرى لياليـك
لين اشرقت شمس الجفا فوق بيتك
كم شاقني قربك وشوفك وطاريـك
وكم هزنّي طول البطـا ماشكيتـك
اللي كسبته من غرامـك تجافيـك
واللي خسرته بعت ناس وشريتـك
معـاد يمدينـي ولا عـاد يمديـك
قد لاح بـرّاق الرحيـل وسريتـك
البارحه من بعد مسـرى لياليـك
مدري بكيـت الجـرح ولا بكيتـك