[مــلــكــة]

بسم الله الرحمن الرحيم
.بسراحه هالشاعره مره عاجبتني اتمنى اعرفها او اشوفها [align=center]

اليكم الشعر بس رجاء ابي ردود مب تدخلون وتطلعون مثل الموضوع اللي قبله

[/align].
.

وش فايده رص القوافي والابيات
دام القلوب اصلا غشتها الخيانه
دام الغلا عند البشر بس باوقات
حتى الضمير اصبح بليا امانه
ياغربة الارواح يا جرح مافات
الظاهر ان الحب ولى اوانه
من اقرب الاقراب تبكي لنا الذات
وتكبر جروح القلب باسم الميانه
هي فلسفة دنيا او الناس ساعات
تخضع مشاعرها لقسوة زمانه
احد مشى يحصد جروح و ونات
عنه القلوب اقفت و اخفت حنانه
واحد تغني له ولا تقول له هات
تعطيه من مده و ترفع بشانه
واحد طواه الهم و الغم بسكات
مرت به الدنيا وهو بمكانه
دنياه هالمسكين سوت به سواة
من قسوته اسكت واخرس لسانه
ماعاد تنفعني القوافي و الابيات
دام الضمير اصبح بليا امانه ...
.
.
.



للشاعره: امل الرجيعي