[grade="00BFFF 4169E1 0000FF"]
الليل سحر عجيب
قصايد فرح
واشواق
همس وضحك عشاق
***********
والليل
وجه كئيب
يحكي عن هموم
واسى
قلب نزف
نبضٍ وقف
وجروح في كف الزمن
خلٍ وفي
وخلٍ نسى
ولحظات ماترجع ابد
لكنها ماتنتسى
***********
ياليل يابسمة لقا
ودمعة شقا
وعيون حارت في بهاك
تظنها توصل لآخر مداك؟
وعيون تشكي للقمر
تطلب من النجمة حلول
ترجي من الغيمة هطول
تكتب بألوان العتام
اغرب حكايات الغرام
*************
انت عند بعض البشر
تطيب هالسهرة معاك
في حضرتك يحلى الكلام
وانت
عند بعض البشر
يخشون بس لحظة لقاك
يريبهم هذا الظلام
مايامنونك
ولا يبونك
والمستحيل
يبادورونك بالسلام
***********
ياليل
احتارنا معاك
انت الصديق
وانت العدو
مره نبيك
ومرات نعافك
الى متى نبقى نخافك؟؟
ونعيش الحزن وياك؟؟؟
(منقــــــول)
تحياتي واحترامي للجميع
ريماز
[/grade]