[»•° عطر الليل °•«]

/
/
/
لا تقول اني ذكرت .. ولا تقول انـي نسيت
كيف يعني يذكرك ...انسان لحظـه مانساك

ادري اني صدق احبك .. وادري انك مادريت
انا حتى ضد نفسي .. صـرت ياعمـري معاك

لو أقول وش أكثر أحبك ما تصدق لو حكيت
داام حبي فـووق والله مستواي ومستـواك

(كل حرف ٍلك كتبت ) و(كل حرف ٍ لي قريت)
(في شي ٍ من عـناي) و(فيه شي ٍ من غلاك)

في غيابك ... ياحبيبي ياكثـر ماقلت لييت
وياكثر ما قيييل عني في غيابـك وش بــلاك

مو مهم اللي جـرى لي... المهم انك رضيـت
دام يزعلني زعلّك ... ودام يرضيني رضـاك

انت دمع ٍ في عيوني .. مابكيته لـو بكيت
وانت كل اللي كتبته ..وانا بس اللي قراك

وانت درب ٍ من بديته فـي حياتـي منتهيت
وانت تعني لـي بهالدينـا نجاتـي والهلاك

جيتك أتأسف حبيبي .. وأعترف اني خطيـت
جيتك اسبق لهفة اشواقـي ويسبقنـي غـلاك

وانا مدري( شلت قلبي لك) بعد عمري وجييت
والا ( قلبي شالني لك) يابعد عـمري وجـاك

جيت اقول ( اني احبك) شفت عينك استحيت
في عيونك قدرة الله .. واشهـد أن الله عطـاك

لا تقول انـي ذكـرت .. ولا تقول انـي نسيت
دام قلبي ماذكـرك .. ودام قلبي مانساك
..........