كل يوم .. قلبي يفكّر داخل الـ " حصّه "
يا أستاذة الحب .. وش تفسير أحلامي ؟
فيني من الحظ .. يا أستاذتي .. غصّه
ختمت كل " الدراسه " بمنهج آلامي
يا ليت بعضي معاي .. و عندي الفرصه
أنساها .. و أقدر أعيش .. فـ باقي أَيامي
في فتنتي [ البنت ] هذي حيـل مختصّه
من أعلى راسي .. لأسفل واطي أقدامي
تدخل حياتي .. بلا إستـئذان .. أو رخصه
حتى و لو هي سبايب / جرحي الدامي
يا أستاذة .. قولي لها الشّعَر لا تقصّه
طويل يبقى .. و قولي لـ عينها نامي
القلب نصّه غلا .. و الـ " ها " في نصّه
يعني [ غلاها ] على النصين مترامي
تسرق قلوب ٍ و لكن ماهي بـ ( لصّه )
غريبة ..!! لكنها .. تستوطن أوهامي
في عينها تقول : تسمح لي بهالرقصه
و من وجهها .. صرت ألمح كل إلهامي
يغار قلبي .. عليها .. و إفهموا .. القصّه
ما أبي يسولف معاها .. شخص قدامي