العهود اللي على قلبي .. عهود
عهد منّي .. ما تهون .. محبتك
إحتويت .. كل المحبة .. بـ الوجود
ما تشوف عيوني .. إلا صورتك
تشهد أفراحي .. و ضيقاتي شهود
كيف .. غيّرتي حياتي .. بـ طيبتك
كيف طوّقتي نهاري .. بـ الورود
و كيف نوّرتي سماي .. بـ نجمتك
من يكون فلان .. و فلان من يكون
ضاعت الأسماء .. بـ طاري سيرتك
ما حسبت الحظ في مثلك .. يجود
لين .. ضمّيتي خفوقي .. بـ راحتك
الليالي في غيابك .. سود .. سود
كل ضحكاتي .. تموت .. بـ غيبتك
إن رضيتي .. مالت غصون الوعود
و طارت أسراب الحمام .. لطلتك
أدري إني في محبتك .. محسود
(يا كثر نااااس تمنّت .. فرقا بسمتي عن بسمتك)
و أدري إنك عن هوى غيري شرود
و إني أغلى من تشوفه .. نظرتك
الغلا .. ما بيننا .. ماااااااااله حدود
جعلني فدوة رضاك .. و ضحكتك
و دامنا حيـيـن .. خذ مني عهود
وعد منّي .. ما تهـون .. محـبتك
وعد منّي .. ما تهـون .. محـبتك
وعد منّي .. ما تهـون .. محـبتك