[آبرآهيموڤيتش]

نسيت صوتك .. و كلماتـك .. و جـوالـك

........ و نسيت إسمك .. و عـنوانـك .. و إيميلـك


و نسيت باقي كلامك .. طبعـك .. أفعالـك

........ يعنـي أبشّـرك .. ( حتـى لـون منديـلـك )


هذا و أنـا منتظـرك ..و شـاري وصالـك

........ تصـدّ عنـي .. لـو أيـامـي .. مقابيـلـك


لو تشـرب المـرّ مثلـي .. ماتـت آمالـك

........ ( تخيّل إنّي أحبـك ) .. بـس مـا أجـي لـك


أرحل .. و أخليك .. وسط الليـل .. بلحالـك

........ لا حنّ قلبي .. و لا أنـت ( بمحتمـل ليلـك )


تذكر .. و أنا اقـول يـا قلبـي .. هنيالـك

........ حـبيت مثلي .... و غـنّـت لـك .. مواويلـك


يا شيخ شفني .. تموّتنـي .. و أنـا أحيا لـك

........ أروح أبشكي غـرامك .. ( و أرجع أشكي لـك )


عـزّ الله إني قريـب .. أقـرب مـن ظلالـك

........ و عـزّ الله .. إنـي تخيرتـك علـى .. جيلـك


و أتذكّر شلون .. كنت أجيـك .. و أقرالـك

........ ( قصايدي فيك ) .. و أنت تقول : يـا ويلـك ..!


و الله .. لأذبح أبوك .. و عمك .. و خالـك

........ و أذبحك معهـم .. و أسويلـك و أسويلـك


إيّاني و إيّاك .. يسمـع غيـري .. أقوالـك

........ أبيك مِلكـي .. و لـي وحـدي .. مراسيلـك


و طبّـقت شرطك .. و صار القلـب منزالـك

........ سكنت وحدك .. و لك جـندك .. و لك خـيلك


سبحان ربـي .. وش اللـي غـيّـر أحوالـك

........ خـلاّك تنسـى إختراعـي .. ( فـنّ تدليلـك )


ما أقول بأنـي شجـاع .. شِـرِب فنجالـك

........ ( لا و الله .. إلا تعبـت أشـرب فناجيـلـك )


زرعت عـمري .. و شوقي .. فـوق سلسالـك

........ و إن ضاق صدرك على دنيـاك .. أغنيلـك


الحين .. توّي عـرفتـك .. بأكثـر أشكالـك

........ و الحين توّي عـرفت الحين .. ( مانـي لـك )


أكيد مبـدأ حياتـك .. و أجمـل أمثالـك

........ ( إغنم زمانك مـدام إنـه مصافـي لـك )


إن كنت رايح .. عـوافي .. و السعـد فالـك

........ ماهوب أنا اللي إذا تقفـي .. بنـادي لـك


و إن كنت تلعـب علـى الحبليـن .. بحبالـك

........ ( عـلـى الله الواحـد المعبـود .. تعديلـك ) ..!