كلّ ما يلقى الفـرح .. يمِّي .. طريق
لا لقى وجهي .. تكـدَّر و إنتحب ...!!
كنّ عيني صارت فـ ( همّي ) بريق
و كنّ جوفي نار .. و ضلوعي حطب
و العشق .. ماهوب من حظ العشيق
وش لقينا .. من وراه .. إلا الـتـعب
لا لقينا .. صدق .. محتاج لـ صديق
و الهـــنا لا ذاق وعـد .. و لا شرب
و مـا يطيح الورد .. من ثـقل الرحيق
ما تشوف الأرض .. تمـسك بالخشـب .!
بـ أسهر الليله .. بلا لـيـل و رفـيـق
دام غصن التـوت .. ما طال العنـب
مجرم الأحلام .. من نومي .. طليق
و هاجس السجّـان .. في همّـي لعب
رحت .. أبطفّي بالبكا .. نـار الحريق
و أثرني طـفـّـيت عيني .. بالـلـهـب .!!
صاحبي .. ما عاد لي .. نفس ٍ تطيق
و ما على المحروم من نفسه .. عـتـب
إنثر دموعك عليّ .. ودّي .. أفيق
و أدري إنـّــي متّ .. طلبتك طلـب .!
ليتها بس .. جتْ على كوني يضيق
البلا .. ضاقت عظامي .. يا عرب .!!
الحياة اليوم .. ما تسوى شهيـــق
كنت أبحـيـا .. بس .. ربّي ما كتـب
و كل ما ينسدّ في وجهي .. طريق
تضحك الفرحة عليّ .. بــلا سبب ..!!