يضيق الصدر لا شفتك حبيبي تمسح دموعك
ترى ما أقوى على حزنك .. لك الله لا تبكّيني
وش اللي صار بأحوالك طلبتك قول موضوعك
إلى هالحدّ .. تغليني .. و ما ودّك تعنّيني
تعال و شوفها أحزانك .. بَنَت في روحي فروعك
هدمت أفراح من شانك .. و ماتن بي بساتيني
حرام أرتاح في نومي .. إذا ما أرتحت بهجوعك
( قسم بالله ) ما أخونك .. مدامك حيل تغليني
و ليل من الفرح يبكي .. يبيك تجود برجوعك
و همٍّ يا تلف حالي .. و حزني .. لاعبٍ فيني
حبيبي وش تبي قلّي .. أنا كلي رهن طوعك
علامك يا بعد عمري .. حزين و ما تحاكيني
تعال و خذ من أشعاري .. تسلاّ عطني سموعك
و إذا ما جاز لك شعري .. حرام تخطّه يديني
حبيبي جيتك بدموعي .. و ودّي تمسح دموعك
أنا غصّتني العبره .. دخيلك .. لا تبكّيني ..!!