قـلــي بــربــك يا بعد عـمــر مـغـلـيـك
وشلـون خنـت اللـي مـحـرّم يخـونـك
وشلون هانت رجوتي يوم أنا أرجيك
وشلـون هانـت دمعتـي فــي عيـونـك
وشلون بعت اللـي بهالنـاس شاريـك
قـلـي عـلامـك بـعـت نـــاسٍ يـبـونـك
قلـي بـربـك دامـنـي بـصـدق هـاويـك
وشلـون بحـيـا بـاقـي العـمـر دونــك
قـلـي بـربـك حـالـي الـيـوم يرضـيـك
طايـح جريـحٍ مــن سبـايـب طعـونـك
طـايــح جـريــحٍ أنتخـيـبـك و أنـاديــك
ودّي تـقـول أبشر حبيبي يا عـونـك
و أثـرك تقـول إبعـد أنـا اليـوم مابيـك
و تــروح تتركـنـي بلـحـظـة جـنـونـك
وقـّـف قـبـل لا تــروح ربــي يخـلـيـك
دامـك رفضـت أحيا حيـاتـي بكـونـك
أرجـوك قبـري تحفـره اليـوم بيـديـك
يحـرم عـلـي العـيـش يـا زيـن دونــك