ليتك سكتّ .. و ما نطقهـا لسانـك
قبل الكلام اللي سمعتـك .. تقولـه
قل غيرها دامك بتتـرك .. مكانـك
مادام قلبي معك .. ضاعـت حلولـه
مركب غلاك .. أقفى و راح بحنانـك
و الدمع في عيني .. تطـارد خيولـه
خايف عليك تضيع و تخسر .. رهانك
و ما دمت تبغى البعد .. تقـدر تنولـه
آسف .. على حب(ن) وفيته عشانـك
يقولها قلب(ن) خفـق .. مـن ذهولـه
قلب(ن) يحبك خان نفسـه و صانـك
ما كان يسمع هرج نـاس(ن) عذولـه
يا ليت قلبي صان نفسـه .. و خانـك
معك الوفا وشلون .. ضاع بسهولـه
و إن صرت رايح رايح .. إذكر زمانك
من قبل ورد الشوق .. يظهـر ذبولـه
يمكن تجي .. و العذر يمـلأ كيانـك
و بعدين .. أفكر بين رفضـه و قبولـه
يمكن تجي .. و الخوف يمـلأ لسانـك
و تقول .. أنا ما كان قصـدي أقولـه