أدري إن ضاقت عليك الدنيا .. خنت
و أنا أخـون الدنيا لك .. يا آدمي
جيت عندي .. و بْـحمى قلبي إستعنت
ليه .. تطعني .. و فيني تحتمي
حِسْ مَرَّه وحده .. في جرحي لا هنت
إرمي طَلقَة .. و حـِسْ بـاللي ينرمي
كنت قاسي و للأسف ما يوم " لنت "
أنتمي لك .. و أنت لي ما تنتمي
كنت لي قبري و أنا فيك .. إندفنت
جيت لك كلي و رجع لي .. معظمي
أذكر إنيّ كنت بين إيدك .. و صنت
و أذكر إنّك في جروحي " حاتمي "
أدري .. إنّك في غيابي ما حزنت
و رغم هـذا تدري .. إنّك ملهمي
لك عقل يوزن بلـــد بـس .. ما وزنت
الأمور .. اللــي تفــوّر لـي دمــي
في زوايا البيت و في شعـري .. سكنت
و في حضن " أفكاري " دايم ترتمي