الزمان قصير والدنيا تدور
ــــــــــــــــــــــــ كل يوم يضيق في عيني مداري
صاحبي محتاج لك شعر وشعور
ــــــــــــــــــــــــ وإحتياجي شي ماكان اختياري
من متى والغصن يختار الطيور
ــــــــــــــــــــــــ من متى والبال يختار الطواري
لاتسمي صمتي البارح غرور
ــــــــــــــــــــــــ إنكساري خلف هالصمت امتواري
في غياب الشمس وش ذنب الزهور
ــــــــــــــــــــــــ والمطر لاشح وشب ذنب الصحاري