[آبرآهيموڤيتش]

يجي من آخر الدّنيا صدى صوتٍ خفي مكبوت
يصيح يقول : وين الحب؟ و مثلك خانقٍ صوته

و لكن صوته الخافت بنى وسط القلوب بيوت
تطيح بيوت هالدّنيا و هو ماطاحت بيوته

تذكّر صاحبك وإرجع .. تقرّب له ولو بالصّوت
حرام تضحّك الدّنيا عليه .. و تطلب سكوته !

على آخر نفس واقف ... تجي .. ولاّ يجيه الموت
و أشوف الموت أحرص منك .. وأشوف إنّك تبي موته

و أخاف إنّك بعد موته .. تحنّ .. و تفتح التابوت
وأخاف من القهر .. يقفل بوجهك .. باب تابوته

بتبكي والنّدم قاتل .. معاد يفيد .. فات الفوت
تبي تفسير لحروف على التّابوت منحوته

حروفٍ خطّها بيده قبل تجفى وقبل يموت
لحن غامض لمعزوفه .. يتيمه .. مالها نوته

بترجع لآخر الدّنيا .. لمصدر صوته المكبوت
تبي تلحق بقايا الصّوت .. تطمّن .. ماهو بصوته

بروح لآخر الدّنيا ... عسى ماينقطع ذا الصوت
أحسّ إنّه يناديني وأحسّ إنّه صدى صوته

رجوعي كاااان متأخّر .. سبقني قبل أجيه الموت
عسى ربّي يسامحني مدام "إنّي" سبب موته

و بدخل في قلوب الناس وله في كلّ قلب بيوت
بعوّض حبّه بحبّ القلوب .. و بسكن بيوته

و بصرخ فوق تابوته بصوت خافت مكبوت
و لكن ... من يفسّر لي حروفٍ فيه منحوته؟

يعيش الناس ماعاشوا .. و تبقى ( قصّة التابوت)
قفل في وجهي (العالم) بقفلة ( باب تابوته)

بصيح .. و بختنق .. و أبكي .. و لكن بعد فوت الفوت
عرفت الحين ليه .. آخر رسالة .. كانت النوته :

( .. أنا بالهجر عذّبته.. و لا حنّيت قبل يموت
و هو بالموت عذّبني .. عذابي كلّه سكوته .. )

00000000000000000000000000000