[عايشه غربه]

[align=center]ربما سأطيل غرفاً ... فالبحرلا حدود له ..


"تجري الريح فيما يشتهن السفن"




آه لا صارت الدعوى كذا مَيَـتْ / مَيَـتْ

لعنبو حيّ حيّك / عَـزْ حتـى الكفـن !!

تسع وتسعين جرح ومع كذا ما اكتفيت !!

اليهـودي يجـوز إلْـه العفـو والدفـن

ما ذبحني عذابك / بس ليتـك وفيـت ..

وانت تدري دموع العيـن عقبـك صفـن

في طريقك مشيت .. وليتني ما مشيت .!

واعذابـي عليـك اقـدام عمـري حفـن

شوف سكيّن غدرك / لا عدمـت وخليـت

البدر غـاب نـوره / والنجـوم وهفـن

كثر م/ انا عطيت .. وكثر م/ انتا خذيـت

م/ اذْكر ضنونك السـودا لطيبـي وفـن

لا تقول أنْ غفيت !! وقول لو ما غفيت ..

ويش عذر الطعون اللي بصدري خفـن ؟

انت يمكن على ظلمـي كفيـت ووفيـت

بس انا .. والظلوع العـوج مـا يكتفـن

ليت .. ما تقنع المقفي / اليا صد / ليـت

والتناهيد .. لو طال الصبر مـا غفـن .!

و اوعدك .. غير ابدَّل بيت / واحط بيـت

(تجري الريـح فيمـا يشتهـنَّ السفـن)

يومك اللي خطيت / وتدري انـك خطيـت

ليه وامواجـك بوجـه الشـراع اوقفـن

آه ما جيت الومك .. دامني مَيَتْ / مَيَـتْ

جيـت الـوم الليالـي والزمـان العفـن




بقلم الشاعر والكاتب القدير / بدر الدخيل


..[/align]