يا صاحبي قمت أجر الصوت بغيابك
وأسوق الأعذار عنك وأنت ناسينـي
أفك باب الوصل وتصـك لـي بابـك
ماكـان هـذا العشـم إنـك تخلينـي
يا ليت شـوقٍ بقلبـي يـوم ينتابـك
عشان تعرف غلاك شلـون يعنينـي
أشتقت لمعانـدك وأشتقـت لعتابـك
وأشتقت لأيديك يوم تصافـح يدينـي
أمزح معك يوم كنت أوتـر أعصابـك
أثري جرحت الخفوق بحـد سكينـي
حتى خذاك الزعـل منـي ولا جابـك
وأنا أنتظر رجعتك عشـان ترضينـي