[(*§ حـــــور §*)]

مدري انا صح ومخطي زماني ؟
ولا الخطى مني وزماني هو الصح ؟


تتغير الدنيا وانا في مكاني
ماغير انا وحدي والاهات والجرح

ما أعرف ابدل بداخلي شئ ثاني
وماأعرف ابدل طيبتي وطبعي السمح


أحلم وليلي يمتلي بالأماني
ويهدها فجأه على راسي الصبح


مليت وماملت عذابي الثواني
عمري قضى كله خساره بلا ربح

وتعبت ادور له جواب في كياني
ذاك السؤال اللي ذبح خافقي ذبح

ياهلي أنا صح ومخطي زماني ؟
ولا الخطى مني وزماني هو الصح ؟