ياصاحبي سامح .. إذا بحقك أخطيت
بكرة نموت .. و كلنا للمنايا
مابيك تدمح للخطا.. يوم أنا جيت
لأن البقى .. ماعاد فيها بقايا
ولابيك تعذرني أنا يوم .. صديت
جرحك في قلبي .. نازفٍ بالخفايا
درب الهوى مبطي وأنا منه عانيت
مير البلا موجود بين الزوايا
عاشرت ناس وشفت ناسٍ وماشيت
أعطـي.. ولا عمري جنيت العطايا
ياما نصيتك وأنت عني.. تخليت
وياما رجيت .. ولا نفعني رجايا
وياما وياما في حياتي.. تمنيت
أشياء كثيره .. ولا تحقق هوايا
لو القدر بيدي .. ماقلت ياليت الوقت .. ماخلى لجرحي سوايا
هي واقفه الدنيا إلى مني أقفيت؟!
محدٍ درى عن ضيق صدري و عنايا
صديت عنك وأعترف إني أبطيت
من مننا معصوم عنه الخطايا؟!
وأبيك تسمح كاني في يوم أخطيت
بكرة نموت .. وكلنا للمنايا ..
يآخذ ابو المسن على اللي خربه..!