لاجيت ابنسى.. واتراجع .. واسامحك
صاحن جروحي واشتكن لي طعونـك
كلك خيانه قول وشلـون ابمنحـك ...
وش موقفك من شخص دايم يخونك
اكبر خطا لو جيـت يمـك اصالحـك
اوّل تحول لا تغـرك لحونـك
اللي تقوله صح لـو كنـت جارحـك
مير انت غارق للاسف في ظنونـك
وصفك نسيته بس باقي ملامحـك
بنهيك وانهـي بالنهايـة جنونـك
ماتستحق (امـد) كفـي واصافحـك
مثلك غلط عمري وابحيا بدونك
لعبـت دورك شاهـدات ٍ مسارحـك
خدعتنـي واظهـرت خافـي فنونـك
كنت اعتقد قلبي هو ابـرز مطامحـك
اللي يبيع النـاس .. لجلـه يصونـك
تعبت اسوق الشوق يمك iواصارحـك
اخلصت لك بالحـب شوفـة عيونـك
لكن خسارة صرت غايـة مصالحـك
ياليتنـي ماجيـت.. لحظـة بكونـك
بالامس كنت بنشوة الحـب امازحـك
اخيل برقك واتحرى امزونـك
واليوم من صفحة حياتـي ابمسحـك
هديت صرحك ثم طاحـت اركونـك
ولابي عيوني لو تصـورت تلمحـك
اعلنت موتك وانسجـن لـي كفونـك
وان جيت تطلب ترتجينـي اسامحـك
بهديك طعنة من بقايـا .. طعونـك
========
منقولة ..انا نقلتها حيث اعجبتني قلت اساهم بها هنا لعلها تعجبكم وتقولن فارس يشارك و مشاركاته دسمه ايه امدحوني من شان إذا شفت قصيد دسم أنقله لكم بس لا تعلمون أحد اني ناقلها ..ههههههههه
حياكم الله جميعا اعضاء و عضوات