[بدر بن عبدالله الدخيل]

.



.

زنجبيلك حيل مُرْ / ولا معي فنجـال صيـن

_____________ لو معي فنجال صين / أشْرَبْك لو نك زنجبيل

مستحيلك ما منعني / مار دونك ألـف عيـن

_____________ وإن حداني ألف عين / انساك هذا مستحيـل

يا حليلك يا مدلّـع / شاقنـي بـك شارتيـن

_____________ آه بس هن شارتين !! / المشكله طبعي حليل

سلسبيلك لا ظماني / خوخ .. توت وطلع تين

_____________ اشتهيتك طلع تيـن / ولا رويتـك سلسبيـل

لو قليلك من كثيري / لا ضعيف ولا سميـن

_____________ خذ كثيري لك سمين / وهات ضعفك لي قليل

آه ويلك ما رحمتي / عاشق(ن) ما له مُعيـن

_____________ كنت احسْبَك لي مُعين / وصارت الهقوات ويل

من وكيلك وانت ظالم ؟ / هرج زور وشاهدين

_____________ كان عندك شاهديـن / فحسبـي الله الوكيـل

وش دليلك يوم تتهمني / وتحْلِـف باليميـن

_____________ ليش تحْلِف باليمين ؟ / ولا معك ضدي دليـل

طال ليلك يا حياتي / والعـزا فـي دمعتيـن

_____________ خوف .. هم ودمعتين / ولا بقى بالليل ليـل

ذا حصيلك من عذابي / كل ما سوّيـت ديـن

_____________ ما يضيع اليوم دين / وكل زرع وله حصيـل