[align=center]
::
:[/align]
[align=right][مدخل][/align]
[align=center]ايه ابيك ولهفتي هي لهفتي ..
في يدي جيت اتعكـَّز شهقتي ..
يا خريف الصمت ..
حتيت الصبر !
شابت احداقي ..
ولا جاني خبر !
وانا واقف بس احايل ضيقتي !!
والمواعيد الجفاف ..
والتناهيد الكفاف ..
والكفوف اللي عَرَقها ما يلين .!
والظروف اللي تزين وما تزين .!
والحنين ..
والأنين ..
والظلوع اللي تخاف !
والرسايل في صناديق الرجا ..
والخمايل والقراءة والهجا ..
بـ / اعترف لك اعتراف !
يمكن الغيث من مبداه قطره ..
ويمكن الشوق وسط القلب فطره ..
أدري انّه ما هو أول !
وأدري أن الحزن طوَّل !
والأكيد أنه بيكون ..
آخر / آخر إعتراف !!!![/align]
[align=left][مخرج][/align]
[poem=font="Simplified Arabic,6,darkblue,bold,normal" bkcolor="transparent" bkimage="backgrounds/45.gif" border="double,4,darkblue" type=2 line=1 align=center use=ex num="0,black"]
المكان اللي يواعدني وانا نفس المكان=ما تجاهلت الدقايق / لكن أنتي ما تجين !
كل يوم ارسم تناهيدي على وجه الزمان=وارجع امسحها واقول انك ابد ما تكذبين
كم تحريتك وانا صمتي يهز الصولجان(1)=افرك اليسرى واداري لا تعاتبها اليمين
لو اورّيك الظلوع اللي تـَلـَهَّفـْك احتضان=في ضريح البسملة / والخوف / والهم الدفين
ايه انا ذايب غلا / ايه انا فاقد حنان=ما تدثّرني معاذيرك على مَرْ السنين
ايه اموتك / واترحَّمني / وانا رجوى الدَفَان=وبَعْدَها آخذ عزاك / بكل وقت / وكل حين
ايه اموتك / وأدري الدنيا ترى ما له ضمان=بس يكفّيني على هامش حروفك تكتبين
ايه اموتك / كان ما متـَّـكْ / اموتني عشان=ما تدنسني مَرَه عقبك / بعد ما ترحلين
يمكن انّي للوجع مخلوق في رِحْم الهوان=لو انا مانيب مؤمن / قلت: مو مخلوق طين
ويمكن انّي للألم شهقه تمارسها الثوان=فوق صدر الآااه / والزفرات تَسْع وضيقتين
ويمكن انّي للشقا / حتى سياج السولفان(2)=ما منع حبري / وانا اجَاهِرْك رُغْم العاذلين
ويمكن اني للعنا / خطوه يجرِّيها الامان=لا تطوفين الرصيف / وما بقى إلاّ خطوتين
ويمكن اني يوم احايلها / اعَرْف الدمع حان=ما تكفّرها وتكرم الف عين / لأجل عين
ويمكن انّي يا بعد دنياي من دون اتزان=ينعزف نبضي بلا نوته / على الناي الحزين
ويمكن أني / يمكن انّي / يمكن انّي / كان .. وكان=والأكيد اني احبك موت / واقسم لك يمين
من كثر صدقي معك حتى مواعيد المكان=افْتِرَشْها / والْتَحَف شوقي / ولكن ما تجين ![/poem]
[align=right](1) - عصا يستخدمها الملوك
(2)- ورق ناعم الملمس يستخدم للتغليف [/align]