[c]
ياحليلك يافمتو
بصراحه الايام السته طارت طيران وماحسينا بالوقت
وكنا نأمل من المسئولين انهم يخلون بدايه الدراسه
في12 بس للأسف
ماحسو فينا
المهم الايام السته
نبدى اليوم الاول الي هو اخر ايام رمضان
بصراحه زعلت وفرحت يوم اعلنو العيد
مدري حسيت ان رمضان راح بسرعه
المهم اننا مانمنا ذيك الليله
ماجانا النوم
قعدنا نزيت شعورنا ونتهاوش على من يتروش اول
>>>>>>>>>>>اخواتها كثار))
وبعدين نمنا لنا من نص الى ساعه
وقمنا نكوي شمغ
الاخوان
>>>>>>>>>>>>>>((مافكرنا فيهم الا في اخر لحظه))
وطبعا قعدو يهاوشون وينافخون
بس متعودين على هالحركات كل عيد ما اهتمينا
ويوم راحو يصلون العيد
لبسنا لبس العيد وسوينا القهوه
والوالده الله يحفظها مجهزه الجريش
>>>>>>>>>>>>>>>>>>>((متمسكين بعادات اول))
وننتظر الوالد والاخوان يجون
وطبعا جو وسلمنا عليهم سلام العيد
وابوي قعد يهاوش ويقول وراكم مصبغين وجيهكم
تراكم بدون هالخرابيط ازين
وراكم نافشين شوشكم
وامي تغمز له ماتبيه يضيق صدورنا في هالعيد
وسكت
وقامت اختي تصب القهوه
وقالها ليش لابستن هالملابس
>>>>>>>>>>>ابوها دقه قديمه ومايداني الموضه
وبعدين وزع ابوي على البزارين
كل واحد عشره
واحنا البنات خمس ميه
والعيال الف
>>>>>>>>>>>>>يطبق الشرع حق الذكر كحق الانثيين
المهم
بعد كذا قعدنا نسولف
الى بعد الظهر
وبعدين راحو الشباب يصلون
ونامو بعد كذا
وحنا قعدنا على صحن الحلاو
وامي تهاوشنا تقول لويجي ضيوف العصر وش نحط لهم قومو ارفعوه
>>>>>>>>>>ورفعناه
ورحنا غيرنا ثياب العيد وتسدحنا في فرشنا ونمنا
ولا قمنا الا على العصر
صلينا وقعدنا نلبس
ونجهز اغراضنا بنروح للرياض
نسلم على اهلنا واقربانا
وبعدين نرجع للشرقيه
نمشي خزامى نجد زايرتنا
ونبي نكرمها لاتقول عنا بخلاء
وللحديث بقيه>>>>>>>>>
[/c]