بعض الوجيه ان شفتها زالت همومك
وبعض الوجيه ان شفتها زادتك هـــــم
احد(ن) تمنى شوفته حتى بحلومــــك
واحد(ن) اذا ذكر لك جاش بك غــــــم
راعي الوفا والطيب تسعد به بيومـــك
وراعي الردى ماجمله قول له ســــم
والناس واجد واحوالهم تزيـــد بعلومك
اسلك دروب الخير وللشر اعـــــــدم
افعالك اللي تبادى تثبت ســــــلومك
خلك على سلوم الرجاجــــــيل تنعم
واحذ كلام الوشــــايا بخل(ن) يرومك
واسلق على روس العدا نار(ن) ودم
بعض البشر بمحبته محــــدن يلومــك
لاصــــــار قلبه بالوفا دايـــم يتـــــــم
ماهو مثل من يفــرح بهرج مذمومـك
قدام عينك طاهــــر وبالخفا يـــــــذم
وياطايع شوري خلك ملي هدومــــك
وقت الرخا احذر وبالشده اهتــــــــم
واعرف رفيقك دوم وغاليك ومغرومك
اليا نخـــــاك تبـــــادره بقولتــــــك تم