خذني معك من وين مارحت ويـاك
خذنـي بقلبـك دام قلبـي رهينـك
صعبه ترى لوشفت وشلون أبسـلاك
لوطفت هالعالـم ترانـي سجينـك
عذبتني... وشقيت روحـن تمنـاك
لوالهـوى ينطـق وربـي يدينـك
شاب الغلا ينزف على درب ذكراك
رغم الجفـا لازال يرجـي حنينـك
دونك حياتي كلها ضيـق واربـاك
الواقـع اللـي ماتمـنـاه عيـنـك
مقدر على بعدك حشى كيف فرقـاك
هذي الحقيقـه خلهـا فـي يقينـك
كل المشاعر فـي غيابـك تحـراك
تصرخ عليك من الوله حيل وينـك
ادري تساومنـي بروعـة مزايـاك
وتـدري أضيـع ليابدالـي جبينـك
همك عذاب اللي نسى الناس لرضاك
وهمي أشوفك مهتنـي فـي سنينـك
لوتطلب سنين العمر مـن فدايـاك
سلمت لك عمـري براحـة يمينـك
منك أحتملت من الشقا فوق ماجـاك
سميـت نفسـي بالمحبـه حزينـك
يكفي دخيلك حـس باللـي ترجـاك
لاعاش من هـو ياحياتـي يهينـك
تعبت مالي بالهـوى غيـر دنيـاك
مديت لك يمنـاي عطنـي يدينـك
أعاهـدك ببقـى عالحـب منسـاك
عهدن قطعتـه بيـن قلبـي وبينـك