يامه بالحب الدفين اللي في صدري سكن
بصرخ ياليتك ترجعين و تخذين من صدري كفن
طوق اهاتي وفرحتي و كتب على صدر الزمن
اني بعاني وحدتي و ببقى عنوان الحزن
يمه ياليتك بس تجين و اكون لك بيت وسكن
و حطك بعيني الضنين و شيلك بقلبي لحن
اعزف بها طول السنين و يكون حبي لك وطن
يامه تعالي لا تغيبين تكفين ما فيني صبر
مليت وانا ناطر حنين وهالهفه اللي تنتظر
صارت بي جروح وانين من شوق وحزن وقهر
يمه قولي لو تبين اعطيك من عمري عمر
بس المهم انك تجين وتحضني قلب فطر
من همه اللي ما يبين بس ينقش الامه حفر
الزنبقيه
كلماتك الصادقه اثرت بي قلبي الملئ بالحرمان فابيت الا ان تجاريك كلماتي المتواضعه من احساس يملؤه الحب الصادق لذاك المخلوق من حب
تقديري لحروفك الرائعه و احساسك الصادق