[align=center]صباح / مساء الخير .. مشاركة متواضعة أضعها بين جمال ماتطرحونه .. الصورة بتقنية الـ HDR (( FORD 1966 )) وهذا يسمونه الأولين هاف .. بس مادري ليش عاد يسمونه كذا ؟ يمكن اسم الدلع هذا بعد قلبي الهاف وهنا بعد خربشة بسيطة بالفوتوشوب ومحاولة تحويلها للقديم هنا نسيت اقول لكم أن هالمزيون كان معي لمدة خمسة أيام وذهبت عليه من بريدة حتى مخيمنا ((40 كم تقريباً )) ووقتها مريت على مواقع أثريه وأخرى جميلة وكنت ناوي أصور كل يوم من تواجدي بالمخيم وكانت عندي الأفكار والعناصر لكن للأسف الكسل حرمني من ذلك والبرد أيضاً((عيد الأضحى )) .. طبعا اللحين الله يخلف أنا فاقده وماشوفه عسى الله يجيبه نبي نصور .. وعلى طاري هالصورة ترى اللي يهتمون بهالسيارات يجيبون لها قطع جديدة تكلفهم الآف الريالات من نفس المصنع بالولايات المتحدة الامريكية , وهاللي بالصورة قيمته تقريباً 60.000 حسب إفادة صاحبه (( شقيقي )) - الله يطعمه من خيره ويكفيه شره - لكن قيادته شيء ياحليلهم الأولين .. وبخصوص مواجهتي للشمس فأنا كان تفكيري وقت التصوير أن الشمس غابت وأني بطبق عليها الـHDR وهذا بيخلي التعريض موب مرتفع فليش ماأصور الفورد مع الغروب .. ((طبعاً هذي وجهة نظري أثناء التصوير )) وأتمنى أني ما أخطئت في ذلك . انتظر نقدكم وآرائكم , , , تحيتي[/align]
. فيلكري وفي الفيس بوك .