بسم الله الرحمن الرحيم شكرااااا اخوي فهد على المعلومات الرائعه اللي عطيتني ايها بس أول شي بالنسبه لأسمي هو لورد وليه بالانجليزي هذا بلاي بكل المنتديات اشترك بهالأسم وغالبا اكون بقسم الكمبيوتر وأول مره ادخل قسم الشعر عندكم هنا عقب ما جاز لي موضوعكم صراحه وقلت خل ابشوف البربسه اللي انا اكتبها وش تطلع ؟؟ وعاد اثري طلعت اخنبق من اليوم وأتوقع لوما حطيتها ما عرفت ولا نص هاللي عرفته من عقب تعليقك علي وعلى الاخوان اللي قبلي فشكراااااااا مره ثانيه ولو تكرمت عندي كم سؤال احب اعرفهن ... 1) متى يحق لي احط قصيده ثانيه عشان اشوف وش الاخطاء اللي فيها بعد ما تعلق عليها يعني كل كم يحق لي اعرض عليكم الابيات ؟؟ بعد اسبوع من آخر قصيده والا كم بالضبط ؟ على اساس ما آخذ دور احد 2) فيه بعض القصايد الي اقراها هنا أو بأي مكان تصير فيها كلمات صعبه ما افهم شي منها صراحه فحبيت اسأل اذا مثلا اقدر اسألك عن شرح للبيت او معنى الكلمه ؟؟ 3) بالنسبه للهجيني والمسحوب ( تراي ما اعرف الا هالاثنين ) ذولا بحور شعر ؟ واذا كانت كذا وين الفرق يصير فيه يعني بطريقه الالقاء واللحن والا بطريقه صياغه الابيات نفسها ؟ واذا تكرمت وشي بحور الشعر النبطي كلها ؟ هذا وارجو منك تتحملني كان ضايقتك بكثر الاسئله فمااااااااااااااان الله
LORD