يقول من عدا على راس عـالي ... رجم طويل يـد هـــله كل قـرنا س في راس مرجوم عسير المنالي ... تـلعب به الارياح مع كل نـسـنا س في مهمة قـفر من الناس خالي ... يتاق له من حس بالـقلب هوجاس قـعـدت في را سه وحـيد لحالي ... براس الطويل ملا بقه تقــل حراس متذكرا في مرقـبي وش غدا لي ... وصفـقـت بالكـفـيـن ياس على ياس اخـذت اعـد ا يا مها وا لـلـيا لي ... د نيا تـقـلب ماعرفـنا لـها ا قـيـــاس كم فرقـت ما بـين غالي وغالي ... لـو شـفـت منها ربح ترجع للافلاس ياما هـفـا به مـن رجـال مد الي ... ماكـنهـم ركـبـو على قـب الافــراس ولا قـلطوهـن لـلكمين الـموالي ... ولاصارفوق ظهورهن قطف الانفاس ولا رددوا صم اـلرمك للتوالي ... كـل يـبـي مـن زايد الـفـعـل نـوماس من بينهم سمر الـقـنا والسلالي ... مثل الـبـروق بـرايـح لـيـلـة اد ما س يقطعــك دنيا ما لها اول وتالي ... لو اضحكت لـلغبن تـقـرع بالاجراس المستريح اللي من العقـل خالي ... ما هـو بـلـجات الـهواجـيـس غـطاس ماهوب مثلي مشــكلاته جلالي ... ا زريـت اسجـلهـن بحـبر وقـرطاس حملا ثقـيل وشايله باهــتمـامي ... وا صبر عـلى مر الـلـيالي والاتعـاس وراي كما ترسي رواس الجبالي ...ولا يشـتكي ضلعا علـيه القدم داس يا بجاد شب الـنار وادن الدلالي ...واحمـس لـنا يا بجاد ما يقعــد الراس ود قـه بنجر يا ظريـف العـيالي ... يجـذب لـنا ربـع على اكوار جـلاس وزلـه إلـى مـنه رقـد كل سالي ... وخــله يـفـوح وقـنـن الهيـل بقـيـاس وصـبه ومـد ه يـاكـريم السبالي ... يبعـد هـمـومي يـوم اشـمه بالانـفـاس فنجال يغـدي ماتـصور بـبالـي ... وروابع تضرب بها اخماس واسداس لا خاب ضـنك بالرفيق الموالي ... ما لـك مـــشـاريـه على نايـد الــناس لـعـل قـصر مايـجي له ظـلالي ... يـنـهـد من عالي مـبـا نــيه لـلـســاس لا صارماهـو مدهـل للرجالي ... وملـجا لمـن هـو يشـكي الضيم والباس بحسناك يامنشي حقوق الخيالي ... ياخالـق اجـنـاس ويا مــني اجناس تجعل مـقـره دارس العهد بـالي ... صحصاح دو دارسـا مـابــه ا ونـاس الـبـوم في تالي هـدامـه يــلالي ... جزاك يا قـصر الخـنا وكر الاد نـاس متى تـربع د ا رنا والـمـفـالـي ... وتخـضر فـياض عـقـب ماهـيب يباس نشوف فيها الد يد حان متوالي ... مثل الرعاف بخصر مد قوق الالعاس وينثرعلى البيد اسوات الزوالي ... يشرق حماره شرقة الـصبغ با لكاس وتكبر دفوف معبسات الشمالي ... ويـبـني علـيهن الشحم مثل الاطعاس اتمنى ان تعجبكم ،، والمعذره على الاطاله ،، ولكم مني كل الحب والتقدير ،،،،،،،،،،،،، الغريب ،،،،،،،،،،،