[align=center]مقلقل الصبحية وآخر يوم في صنعاء ملاحظة بسيطة : انا كنت ارفع صوري على موقع مسجل فيه علشان احفظ صوري واتحكم فيها براحتي لكن بسبب كثرة الصور المنشورة وكثرة السحب عليها صار الباندويث يتجاوز الحد المسموح ب هوانا سويت حركة بسيطة بوزع الصور على اكثر من اشتراك وسامحونا اذا ماظهر بعض الصور مع المحاولة بتظهر كلها ان شاء الله وبحاول القى حل خلال الأيام الجاية لأني مسافر وما اقدر اخذ راحتي على النت تذكرون اخر شي قلت لكم اننا ضربنا النثرية السابقة النشر ونمنا وتذكرت اني غلطان لأننا ما نمنا بالعكس بعد ما ضربنا النثرية جبنا الشاهي وتشهوينا وبعد ما تشهوينا انا رحت لمقهى انترنت و خوياي راحوا للسوق (باب اليمن ) دورت مقهى وانا معي محمولي واتمشى رجليه وهي توه ممطره والشوارع مليانه وكل شوي وانا هاج من جهه عن رشق الماء تخبر هالتكاسي ماهمهم يسبحك وهو ماشي ما دري عنك لين لقيت افضل مقهى في صنعاء دخلت وقلت ابا اشتغل على جهازي قال ماعندك مشكله والمقهى لواحد عراقي الظاهر وهذي صورة المقهى من الداخل ويظهر محمولي والكوت على الكرسي كان فيه واحد من الموظفين اللي بالمقهى بالدور التحتي مشغل اغنية ورافع عليها والمقهى كله يرجد من الأغنية قلت له لو سمحت قصر عليه قصر عليه ومشت الحال الغريب ان الأغنية واضح انه سعوديه لأنه يردد يالسعودية يالسعودية رجعت من المقهى ومن المصادفات وصلت انا واخوياي للشقه بنفس اللحظة نمنا وقد وعدنا شيفنا الرائع بـ مقلقل شهي وكبدة رائعة ويوم صلينا الفجر واثرنا طافين رجعنا ونمنا الى الساعة السابعة والنصف تقريبا وانا بصراحة ضربته نومه ماقمت الا على صوت الشيف ومساعده يقطعون البصل والطماط والفلفل و الكبده واللحيمات قمت ونصي نوم وصورت ويتضح بالصورة بعض الغمص >>>>خخخخخخخخخخ ثم انتهى المقلقل والكبده وذيبان انطلق وجاب الملوح وبسم الله .....................والحمد لله افطرنا وانطلقنا بعد توجيهات الأمير وحملنا العفش وكنا هدفنا سوق صنعاء ثم إب الخضراء معليش الحلقات تبي تصير أقساط شوي لأني مسافر أرجوا تقبل اعتذاري وفقكم الله وبارك فيكم موعدنا الحلقة القادمة مع سوق صنعاء والأحجار الكريمة وعصير المنجا اللذيذ يوجد صور طريفة نوعا ما في الحلقة القادمة[/align]