هذه قصيدة الشاعر علي السبعان في رثاء أمه
أرخو لك عيد وانتي عيد يمه
من لمحت بوجهك النور وعرفتك
كل نظره منك عيد وكل ظمه
إحسبي كم عيد لي من يوم شفتك
في ضلوعي صبر شعب وطيبة أمه
لو بغيت أوصفك يمه ماوصفتك
يامسا الرحمات ياأغلى من تظمه
في الثرى لحدين والله مانصفتك
سامحيني ياأطهر أهل الأرض ذمه
لو قدرت آسابقك للموت طفتك
لو قدرت أفديك سقت الروح يَمّه
لو قدرت أخطفك من كفه خطفتك
يامسا الفردوس ياأزكى عطر أشمه
ياندى زهر الحياه اللي رشفتك
طفلك أصبح رجل بين عيال عمه
له عيون أشقر ويمنى ذيب تفتك
بس باقي طفل قدامك تهمه
نظرتك ويقول للذنب أقترفتك
يعترف لك بأكبر ذنوبه بفمه
يحسبك تدرين لاقلتي : كشفتك !
تحت رجلك جنته ورضاك همه
وش علي ان قالوا الجهال خفتك
خفت فيك الله ولاخفت أهل نمه
لو طلبتيني عيوني ماكسفتك
صدق ماأعرف عنك غير اللي ألمه
من كلامي أبوي لكني ولفتك
من خذاك الموت وأضحى لي بـ عمه
قمت أفتش داخلي لين أكتشفتك
كم حضني ثوبك وعانقت كمه
أسهر أحكي لك ولانمت التحفتك
صدقيني شاعرك صرتي بدمه
لو جرحت أقصى شراييني نزفتك
هالغلا كله وأنا ماأعرفك يمه
ياترى وش كان أبـ.. اكتب لو عرفتك ؟!
ابي قصيده للشااعر ناصر بن دهيم