*~*~*~~*~*~*
%% الساعه 10:40 فليل %%
الاوقات الحلوه تمر بسرعه ... و عشان هالشي مر عليهم الوقت اسرع من البرق من عقب الموعد الرومانسي اللي جمع بينهم عقب شهور من الفراق ... عقب ما خلصو عشاهم و شبعو سوالف دفعو حسابهم و ظهرو من المطعم و كل واحد فيهم مستانس اكثر عن الثاني ... ركبو السياره و حركو و تمو دقايق في صمت ...
هند بتردد: اقول حبيبي؟؟
حمدان: امري ...
هند: ما يامر عليك عدو ... ابا اقول لك شي بس خايفه من ردة فعلك ...
حمدان و هو شاك انه السالفه فيها جليثم: قولي حياتي لا تخافين ما باكلج ...
هند: ههههه ... اممممم شو بتسوي بسالفة عرسك؟؟
حمدان و هو حاس بالذنب: والله تبين الصدق ... الين الحين مادري ...
هند تنهدت بضيج: ادريبك خلاص تعودت عليها ... مالومك الصراحه ... القلب وما يهوى على قولتهم ...
حمدان: و انتي تعرفين انه مافي قلبي الا انتي ...
هند: و مرتك؟؟
حمدان: صح انها دخلت قلبي ... لكن انتي غير ... انتي حبي الاول و ماقدر استغنى عنج ...
هند: صح ... بس تعرف من عقب اللي صار ابويه مستحيل يخليني اطلع ع راحتي مثل اول ... و هالشي بيبعدني عنك اكثر و يمكن تنساني ... و انا مابا هالشي يصير ...
حمدان: لا تقولين جي ... لو شو يصير ما بخليج بروحج ...
هند: بس .....
حمدان قاطعها: خلي كل شي عليه و انا بتصرف ... و ان شاء الله برمس جليثم في اقرب وقت و عقب برمس الاهل ... "و تنهد" بس ان شاء الله تعدي السالفه على خير ...
هند ابتسمتله: لا تشل هم ... انشاء الله ما بيصير الا كل خير ...
حمدان تنهد: ان شاء الله ...
عقبها عم السكوت مره ثانيه ... و ارتسمت ابتسامة انتصار خبيثه ع ويهه هند لانه قدرت تسوي اللي ف راسها ...
هند بخاطرها: اخيراً بفتك من نذالتك يا عيسوه ... جوف منو اللي بيطلب منك شي مره ثانيه ...
حمدان وقف عند الاشاره و صد على هند عقب ما لاحظ شرودها و هي يوم جافته يطالعها صدت عليه و ابتسمتله ابتسامه خفيفه و ردت لافكارها الجهنميه ...
*~*~*~ نهاية الجزء السابع عشر ~*~*~*