[منصور المعمري]

[align=center]مساءكم سكر :


.

.

.

.



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
باقـي مثـل ماأنتـه حبيبـي ولازلـت= غالي . . ولاغيرك من الناس غالـي !!
رغم الجفا اللي عـذب الـروح ماقلـت= إلا عسـاك بخيـر . . ياراسمـالـي !!
اخفيـت جرحـي بالضميـر وتحملـت= فرقاك . . لوفرقاك فوووق إحتمالـي !!
وأنـا بطبعـي لاكبـر حزنـي أشملـت= من قبل مااخسر لي رفيـق ٍ موالـي !!
سكت عن بعـض السوالـف وجاملـت= لاكدرت صفوي . . ولاضـاق بالـي !!
ولو يحتـرق روض المعاليـق ماشلـت= هم الوصال . . الله يجيب الوصالـي !!
وشلون عاد الغالـي اللـي معـه نلـت= مكاسبـي بالحـب . . أول وتـالـي !!
ياللي علـى رجـم المشاعـر تطاولـت= وبنيت بيتـك فـي سفـوح الجبالـي !!
أكرمـت مـن حطـك هـواه وتجملـت= في خافق ٍ ماهو من الحـزن خالـي !!
شفنـي إذا طـوّل غيابـك .. تسائلـت= (( معقول صدر اللي عشقته شمالي )) !!
وأنا أدري انك لك عـذر يـوم طولـت= لكـن خفوقـي بالصبـر مايبـالـي !!
والبارحـة فــي ذكريـاتـي تأمـلـت= فـي ليلـة ٍ ماهيـب مثـل الليالـي !!
لقيت فيهـا أكثـر مـن اللـي تخيلـت= حقيقـة ٍ تتعـب عقـول الرجـالـي !!
مـرت بـي أيـام الـغـرام وتمثـلـت= أصدق هجوسـي بالبيـوت الجزالـي !! [/poem][/align]