|
عامل مصاب بإلتهاب الكبد وعلى رأس العمل .. وين .. ببريده !!!!
[align=center]السلام عليكم ورحمة الله وبركاته
الموضوع ما يتحمل مقدمات قال لي أحد الزملاء بأن هناك عامل في أحد مطاعم بريدة مصاب بإلتهاب الكبد الوبائي لكن ما حدد أي نوع ... والمشكله إن إدارة المطعم تدري عن الموضوع والبلدية لا حس ولا خبر والجوازات تقول هذا ما هو بشغلنا هذا أمر خاص بالبلدية وضعنا وضاعت صحتنا بين الجوازات والبلدية ... والأدهى والأمر بأن المطعم حاطينه يغسل الصحون ... يعني ما شاء الله مبعدينه عنا ... المطعم هو ... مطعم الخيمه في الفاخرية والعامل على ما أظن إنه باكستاني ... لكن الله يعين أتمنى لكم السلامة والعافيه .... للمعلوميه هذا أبسط شي يجي من المطاعم [/align] |
اخي واحد من الربع شكرآ على التنبيه
لاكن كان المروض انك تتصل فورآ على البلديه او الصحه قبل ماتنزل الموضوع باالمنتدى الخوف ان العامل صار عنده خبر وفر من المطعم الله يهديك رقم عمليات البلديه00(3251509)000 تحياتي ( |
معقوله ..................
التهاب الكبد من أي نوع ؟؟ هل تقصد النوع الخطير المعدي ............ |
وش الغريب في الموضوع .
انت تقول انك متاكد من المعلومه ولكن لم تضع اسم المطعم اذن ماذا تريد من الاخرين ؟؟؟ ياخي لي فينا طبع ادعاء الطيبه مع ان هذا ماهو وقته . لذن نرجو انك توضح اسم المطعم ولك الشكر . |
لا تدخل بذمتك شي ومعلوماتك ناقصه قال لي احد الزملاء وتذكر اسم المطعم وتشوه سمعته وانت محاسب على ذلك .....
اذا انت خايف وحريص على نفسك والمسلمين رح وحط خبر عند البلديه وهي تتصرف معه ......وبكذا انت كفيت ووفيت ... |
شكراً لكم على الردود
أخوي ( الخل الوفي ) شكلك مرشت الموضوع بسرعه أرجوا أن تقرأ الموضوع بتأن وأتمنى أشوف ردك ثانيه حبيبي ... أنا من المؤيدين بالتشهير بأي شخص يعمل عمل يكون به مضرة للجميع ... _______ أخوي (الحصان الأسود ) لا أحد يتمنى أن يضع في ذمته شيء أحد الزملاء أي أحد زملاء المهنه أنا أخصائي مختبر في بريده والذي ذكره لي أبن عمه هو من أخبره وهو فني مختبر في أحد المستوصفات الأهلية في بريده وإذا أستدعى الأمر سوف أضع بين أيديكم النتيجه ... أما نوع الفيروس فلم يحدده لي لكن ما يحذر منه هو النوع الخطير ( سي ) ... البلدية تم تبليغها وإلى يوم السبت الماضي كان العامل موجود بالمطعم أما أمس الأثنين فلم يشاهد ولا أعلم هل قامت البلدية بدورها أم لا ... __________________________ اللهم أرحم عبدك ( عبدالعزيز ) وأغفر له واجعل قبره روضة من رياض الجنة وجمعنا به في الفردوس الآعلى يا حي ياقيوم .... |
جزاك الله خير على التنبيه والاهم انك تتابع الامر حتى يصحح الوضع
|
وإذا أستدعى الأمر سوف أضع بين أيديكم النتيجه ...
كفو وهذا اللي انا ابيه |
بدون أقراء الموضوع اول ماشفت عامل مصاب وعلى راس العمل كتبت ردي
والله ياناس إني اعرف واحد مصري مريض ويشتغل في ملحمه وكفيله // حسبي الله عليه // يعرف انه مصاب وخلاه شغال في الملحمه بتستر من كفيله اللي له ظهر في البلديه ....... بصراحه نويت افضح الكفيل قبل العامل عند ناس كبار في البلديه بس لقيت الامور عندهم عادي..!!!!!!!!! قلت في خاطري مافيه الا أسبب مشكله مع العامل عشان تصير جنايه عشان افضحه أو أكلم احد في الجوازات يسفر العامل ................ لقيت العامل الله لايوفقه ممسوك من قبل الهيئه بياع عرق محترف في بريده سئلت واحد في الهيئه لقيت حولت للشرطه الجنوبيه المعامله سئلت واحد في الشرطه لقيت العامل طالع بكفاله من اللي كافله (( كفيله الخاين )) والعامل هج من السعوديه عن طريق جده والكفيل يقول منب المسئول عنه (( هج وين احطه به بمخباي )) هذا رد الكفيل الخاين الله لايوفقه :g5: :g5: الكفيل من عائله معروفه في بريده وسمعته هو وأخوانه وسط يقولون راعيين بلاوي؟؟؟؟؟؟؟؟؟ والله هذا اللي حصل واسالوا عن ملحمه في الفايزيه :for9: :for9: :for9: قصدي من الكلام هذا إن في البلد هذي خونه والله أشد من الرافضه علينا أهم شي عندهم جيوبهم وبمساعده من أغلب المسئوليين في بريده من بلديات فاشله ومن شرطه متعاونه وراعيين ((( واسطه ))) حتى في اللي فيه ظرر للمواطن ... يساعد الاجنبي على حساب وطنه وأهله... وأنا مسئول عن كلامي هذا :x12: :x12: :x12: :x15: |
صحيح واسف وجل من يخطي ولكن عندما قرات الموضوع كان بعد وفاة احد اخوتنا ابناء المنتدى لذا قرات الموضوع بسرعة
ورديت باسرع !!! لكن لاتستغرب او لست بعربي فما العجيب ؟؟؟ لك الشكر والتقدير واتمنى ان يتابع مثل هذا الموضوع وان نهتم بصحة انفسنا وان يصبح هناك تعاون بين الناس لما يحقق صالح الجميع . شكرا مرة اخرى واسف على العجلة . |
الله يكفينا شره المرض مرررررة خطير ياليت يوصل الكلام للمسؤلين باسرع وقت
|
حسب ما وصلني
بأنه تمت المعاينة من البلدية ووجدوا العامل مرفوعه يده عن العمل وليس له وجود في المطعم المذكور ... _____ ( عيون الصقر) لك الشكر . ____ ( الحصان الأسود ) هلابك أخوي مرة ثانية . ____ ( بدر محمد ) لا تستغرب إذا غاب الضمير كل شي يصير . _____ أخي ( الخل الوفي ) وفاة أخينا ( عبدالعزيز) أثرت بنا جميعاً ... لك كل الحب والتقدير وأهلاً بك أخاً عزيزاً ... ___ ( متغربه ) الله يعين المسؤلين علينا ... أو يعينا عليهم . ___ __________________________ اللهم أرحم عبدك ( عبدالعزيز ) وأغفر له واجعل قبره روضة من رياض الجنة وجمعنا به في الفردوس الآعلى يا حي ياقيوم .... |
اقتباس:
وكلامك على ماتظن انه باكستاني تأكد الله يصلحك وش جنسية العامل000 وتاكد ان العامل مصاب لايصير تظن بعد!! كيف عرفت ان العامل يغسل الصحون وانت ماتدري وش جنسيته0 |
الله يهديك أخوي
( بدر بدر ) بوضح لك شيء من الأخر ... إذا منت بمقتنع ... أرسل لي رسالة على الخاص وأنا مستعد أمشيك على الحقيقة خطوه خطوه ... |
اقتباس:
شكرا واحد من الربع00 |
| الساعة الآن 10:30 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة