بسم الله الرحمن الرحيم

السلام عليكم ورحمة الله وبركاته

.. أتمنى إنكم استفدتوا من الدروس السابقة اللي وضعتها لشرح برنامج الاوتوكاد

الآن أشرح طريقة إنشاء الرسومات من الأدوات اللي تعلمناه بالدروس السابقة

طبعاً موب شارح كيفية استخدام الأدوات لأني شرحته بالدروس السابقة
والمفروض انكم عارفين كيف

.. هذي طريقه لرسم ترس على شكل ثلاثي الأبعاد ..
هو ليس ثلاثي الأبعاد حقيقة ولكنه يوهم المشاهد بأنه ثلاثي الأبعاد
لأنه مرسوم بطريقة الـ oblique drawing

--

قم برسم دائرتين كما في هذا الشكل

http://romncee.jeeran.com/ترس1.JPG

ضع مجموعه من الخطوط بهذا الشكل وذلك عن طريق استخدام أداة الـ array

http://romncee.jeeran.com/ترس2.JPG

الآن استخدم أداة trim وقم بقطع جميع الخطوط التي لا تريدها لكي تحصل على هذا الشكل

http://romncee.jeeran.com/ترس4.JPG

الآن قم بنسخ الشكل كله .. وحاول ان تلصق الشكل مره أخرى وتحاول ان ترفعه ويكون مائل تقريباً بزاوية 35 او 45 درجه لليسار او اليمين .. كما في هذا الشكل

http://romncee.jeeran.com/ترس5.JPG

الآن قم بوصل الشكلين مع بعض وذلك عن طريق إضافة الخطوط اللازمه .. كما في هذا الشكل

http://romncee.jeeran.com/ترس6.JPG

ومن ثم استخدم اداة الممحاة وأداة trim لكي تقوم بإزالة الخطوط المخفيه وجعل الخطوط الأماميه هي الظاهره فقط .. ويتكون عندك هذا الشكل

http://romncee.jeeran.com/ترس7.JPG

طبعاً انتهينا من رسم الترم والحمد لله .. ولكن اضفت فتحه اسطوانيه بالمنتصف فقط ..

http://romncee.jeeran.com/ترس.JPG

--

هذي الرسمة الأولى

نجي للرسمة الثانية


الآن هذا هو الرسم الحقيقي صراحة .. :)

لابد تتحلى بالصبر والدقة عند رسم مثل هذا النوع من الرسومات
لأنها بأبعاد معينة وبزوايا معينه أيضاَ أي خطأ بسيط يحوس عليك الدعوة كلها

راح أشرح على رسمة وحده والباقي على نفس المبدأ لكن يختلف شكل الرسمة

ولابد الواحد يناظر الرسمه قبل ما يبدأ ..
يحلل الرسمه من كل جهه يناظر الزوايا والأبعاد والأقطار ان وجدت

هل هناك تناظر بالرسمه ولا ما فيه

وشو المكان الأفضل اللي يبدأ من عنده ..

هذي الرسمة اللي راح أشرح عليها

http://romncee.jeeran.com/صورة10-3.jpg

صراحه الشرح على الانترنت يمكن يكون صعب شوي

لكن بحاول أبسطه بقدر المستطاع ..

راح أرسم على خطوه خطوه .. وأبين الأداة اللي استخدمتها وكيف استخدمتها

أول شي راح أرسم دائرتين لهم نفس المركز

الدائرة الأولى قطرها 2 .. الدائرة الثانية قطرها 2.5

http://romncee.jeeran.com/صورة11-3.JPG

بعدين راح أحاول إني أفتح الفتحات بين الدائرتين على نفس الزوايا المعطاة

لو تلاحظون الزاويه اللي فوق 60 درجة ما بين الخطين .. يعني ثلاثين درجه يمين وثلاثين درجه يسار

الآن فيه طريقه نسيت أقولها لكم بالدروس الماضية ..

كيفية إنشاء خط بزاوية معينه

مثلاً أبي خط طوله 2.5 يميل بزاوية 60 درجة

أكتب أمر كذا

@2.5<60

علامة @ ترمز إلى at the rate of

يعني طول الخط وبعد علامة أصغر الزاويه اللي تبي الخط يميل عن المستوى الأفقي

طيب

الحين نحاول ننشيء خط طوله 1.25 ويميل بزاوية 60 درجة ويبدأ من مركز الدائرتين

وننشئ خط ثاني طوله 1.25 ويميل بزاوية 120 ويبدأ من مركز الدائرتين

ويطلع لنا الشكل هذا

http://romncee.jeeran.com/صورة12-3.JPG

إذا كان ودك تتأكد من أنك رسمت الخطين وبينهن زاوية 60 درجه
ممكن تروح لم Dimension من القوائم المنسدلة وتضغط على angular
وبعدين تختار الخط الأول .. وبعدين تختار الخط الثاني .. وترفع مؤشر الفارة إلى فوق عشان يقيس الزاوية العلوية ولا يقيس الزاوية السفلية

زي كذا

http://romncee.jeeran.com/صورة13-3.JPG

الآن بأسفل الدائرتين لازم نزين خطين نفس اللي فوق

ماله داعي نتعب أنفسنا ونزين الخطين مره ثانية
ممكن نستخدم أداة Mirror بحيث أن الخطين اللي رسمتهن فوق ينعكسن تحت

بكل سهولة نقوم بتنشيط الأداة Mirror عن طريق الضغط على الأداة

بعدين نختار الخطين ومن ثم نضغط على Enter ونحدد على مركز الدائرتين .. وندور بالخطين حتى يثبتن في الأسفل

زي كذا

http://romncee.jeeran.com/صورة14-3.JPG

وبعدين تضغط على زي الفارة اليسار وبعدين على Enter

الحين نقوم بإنشاء الخطين اللي على الجنب

لو تلاحظون إنه الزاويه اللي بينهم تساوي 30 .. يعني 15 درجة فوق و 15 درجة تحت

مره ثانيه ننشئ خط بالطريقة التالية

@1.25<15

وبداية الخط هو مركز الدائرتين ..

ونرسم خط ثاني

@1.25<345

ليش 345؟
لأنه مجموع زوايا الدائرة 360 .. ناقص 15 درجة اللي أسفل .. يعني 345

ويطلع لنا الشكل زي كذا

http://romncee.jeeran.com/صورة15-3.JPG

ومره ثانيه نستخدم أداة Mirror عشان ما نرسم الخطين مره ثانيه

http://romncee.jeeran.com/صورة16-3.JPG

الآن بعد ما رسمنا الخطوط هذي .. نستخدم أداة Trim عشان نقص الخطوط ونحصل على الشكل المطلوب

ملاحظة: يمكن تحصل لخبطه عندكم مع أداة Trim خاصة للي يستخدمها أول مره ..
لكن ولا يهمكم حاولوا أكثر من مره حتى تظبط معكم وتتقنون أداة Trim

أول شي نقوم بتنشيط أداة Trim عن طريق الضغط على الأداة

وبعدين نحدد جميع الخطوط اللي بالمنتصف عن طريق الضغط على كل خط مره وحده

http://romncee.jeeran.com/صورة17-3.JPG

بعد ما تحدد الخطوط اضغط على زر الفارة اليمين أو اضغط Enter

وبعدين اقطع الأجزاء من الدائرة الكبيرة اللي خارج الخطوط زي ما هو موضح بالشكل هذا
وطريقة القطع تكون عن طريق الضغط على تلك الأماكن فقط

http://romncee.jeeran.com/صورة18-3.JPG

الآن نقوم بقطع الخطوط حقات الدائرة الداخلية اللي بين الخطوط

زي الشكل هذا

http://romncee.jeeran.com/صورة19-3.JPG

الآن اضغط Enter للخروج من أمر Trim

ومره ثانيه رح اضغط على أمر Trim لتنشيطه

لكن قم بتحديد خطوط الدوائر الخارجية الباقية .. زي كذا

http://romncee.jeeran.com/صورة20-3.JPG

بعد التحديد اضغط زر الفارة اليمين أو اضغط Enter .. وبعدين قم بقطع الخطوط الداخلية عن طريق الضغط عليهن فقط

ويتكون عندنا الشكل النهائي زي كذا

http://romncee.jeeran.com/صورة21-3.JPG

الآن راح نحاول نبدأ من تحت

الآن لو تلاحظون بالأبعاد إن المسافة من مركز الشكل اللي رسمناه حتى أسفل الرسم يساوي 6.75

ننزل المسافة هذي تحت

http://romncee.jeeran.com/صورة22-3.JPG

الآن راح أرسم خط من أسفل لليمين طوله 2.75 وأرسم خط لليسار طوله 2.75 وطول الخط الكلي يكون 5.5

http://romncee.jeeran.com/صورة23-3.JPG

الآن راح أحاول أنشئ الخطين اللي الزاوية بينهم تساوي 36 درجة

الآن لو أبي أرسم الخطين من مركز الدائرتين اللي فوق .. راح تختلف الزاوية عن 36

الآن مجموع زاويا الدائرة 360 ناقص الربع الرابع واللي يساوي 90 درجه يعني 270 ناقص نصف الزاوية 36 اللي هي 18 .. يعني زاوية الخط راح تساوي 252 درجة

نقوم بإنشاء خط بأي طول وبزاوية 252 وبدايته تكون من مركز الدائرتين اللي فوق بحيث إن الخط يقطع الخط السفلي .. زي كذا

http://romncee.jeeran.com/صورة24-3.JPG

الخط اللي نازل تحت نقوم بقطعه عن طريق أداة Trim

ونستخدم أداة Mirror عشان ننشئ الخط بالجهة الثانية

ويطلع لنا الشكل زي كذا

http://romncee.jeeran.com/صورة25-3.JPG

الآن من الخط السفلي نرتفع مسافة 1.5 وننشئ خط أفقي بحيث يتقاطع من الخطين اللي مايلات زي كذا

http://romncee.jeeran.com/صورة26-3.JPG

ونرسم خطين على الأجناب طولهن 4

ونشيل الخط اللي بالنص ونقطع الخط السفلي عن طريق استخدام أداة Trim

http://romncee.jeeran.com/صورة27-3.JPG

الآن تقوم برسم خط يصل ما بين الخطين اللي بالجنب زي كذا

http://romncee.jeeran.com/صورة28-3.JPG

الآن نقوم بإستخدام أداة Fillet

http://romncee.jeeran.com/صورة29-3.JPG

عشان ننشئ نصف القطر مابين الخطين

اضغط على الأداة وبعدين اكتب R اختصاراً لـ Radius واللي تعني نصف القطر واضغط Enter

وبعدين اكتب نصف القطر اللي تبين .. ولو تلاحظ من الأبعاد ان نصف القطر يساوي 1.625 اللي هو 1 5/8 وبعدين اضغط على Enter

وراح يسألك ويقول اختر الخط الأول .. وتقوم باختيار الخط العمودي وبعدين تختار الخط الأفقي .. وراح تلاحظ إن الخطين مالن مع بعض زي كذا

http://romncee.jeeran.com/صورة30-3.JPG

وتزين نفس الحركة بالجهة الثانية

وبعدين قم بإزالة الخطين اللي واصلات مع مركز الدائرتين عن طريق أداة Trim
وبكذا نكون رسمنا الجزء السفلي ويبقى لنا البقية من الجزء العلوي

http://romncee.jeeran.com/صورة31-3.JPG

الآن طول الشكل الكلي يساوي 8.5 .. لو نطرح منه 1.5 اللي هو الارتفاع اللي تحت .. ونطرح 5.25 اللي هو الارتفاع من نصف الجزء السفلي حتى مركز الدائرتين راح يطلع الناتج يساوي 1.75

الآن

من مركز الدائرتين ارسم خط طوله 1.75 إلى أعلى

http://romncee.jeeran.com/صورة32-3.JPG

وارسم خط أفقي طوله 2.75

http://romncee.jeeran.com/صورة33-3.JPG

الآن قم برسم خطوط من نهايتي الخط الأفقي اللي رسمته قبل شوي حتى منتصف القوس اللي زيناه قبل شوي

وقم باستخدام أداة Fillet لكي تنشئ أنصاف الأقطار للخطوط اللي فوق ونصف القطر يساوي 5/8 أو 0.625

وقم بإزالة الخط العمودي اللي طالع من مركز الدائرتين

http://romncee.jeeran.com/صورة34-3.JPG

الآن تبقى خطوة وحده فقط وهي إنشاء نصف القطر للخط اللي واصل مع أقواس الجزء السفلي

نفس قبل نضغط على Fillet وبعدين R وبعدين نحدد نصف القطر اللي هو يساوي 2

ونقوم بتحديد الخط .. ومن ثم نضغط على القوس ويتكون عندنا الشكل

http://romncee.jeeran.com/صورة35-3.JPG

ملاحظة: بعد ما سوينا كذا جزء من القوس راح .. ما فيه مشكلة ممكن ننشئه مره ثانيه عن طريق Draw
بعدين Arc وبعدين نختار Start, End, Radius
قم بتحديد نقطة بداية القوس ومن ثم نقطة النهاية وبعدين اكتب نصف القطر واللي هو يساوي 1.625 وبعدين Enter ويتكون لك القوس مره ثانيه

http://romncee.jeeran.com/صورة36-3.JPG

والآن انتهينا من رسم الشكل :)

وممكن اللي يبي ينشئ الأبعاد عشان يتأكد من مدى دقة الرسم ..

تطلع الرسمه النهائية كذا

http://romncee.jeeran.com/صورة37-3.JPG

وهذي رسمه ثلاثية الأبعاد للشكل وخليت الشكل كأنه خشب ..

http://romncee.jeeran.com/صورة38-3.JPG

أتمنى يكون الدرس أعجبكم .. وأتمنى يكون واضح ..

أشوفكم بالدرس الجاي إن شاء الله .. واللي راح يكون عن الـ Isometric Drawing

نفس الرسومات هذي يعني ..

http://www.s-qu.com/forum/attachment...tid=1458&stc=1

طـمـوح .. :)