|
نداء الى امير بريدة .. انظر ما ذا يحدث في الصوامع
عندما تراجع قسم المبيعات تجد الذل والاهانه والتعطيل وسوء المعاملة
تخيل انك تريد 50 كيس نخاله سوف يشترط عليك التالي 1ـالحظور الساعة السابعة 2ـيجب عليك كتابة اسمك في السراء .لو تم سحب الورقة خلاص راح عليك صرف اليوم 3ـتوخذ الورقة (السراء) إلى المدير ثم يقوم بتحليلها ووضع الكميه التي يريد هو ؟؟؟؟؟؟؟؟؟؟؟؟ 3ـفي تمام الساعة التاسعة تعطى ورقة ميزان حتى يتم التأكد إن السيارة معك 4ـيوخذ الميزان إلى المدير ثم يكتب الكميه التي يريد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ الشروط التالية الكميه من 20 إلى 100 أماء الكميه من 100 حتى 500 هذي يبي لك تجلس عند باب الصوامع خمسة أيام نعم خمسة أيام ؟؟؟؟؟ يعني تبي نخاله يجب عليك اخذ أجازه ؟ تخيلوا هناك كبير السن والمريض والمسافر والموظف ولكن ولكن تريد نخاله بسهوله وسرعه عليك إتباع التالي 1ـ يجب إن يكون مدير المبيعات شريكك 2ـ يجب إن تكون من أهل الحفر ؟؟؟؟؟؟؟؟؟؟؟؟ 3ـ يجب إن توكل مدير المبيعات بنقل كميك لو تبي 1000 وتوصل إلى جيزان بعد كل ذلك أين الرقيب وين المدير العام وين المراقبة وين الاماره وين ألتجاره ؟ يعني خدمة المواطن وراحته معدومة في الصوامع أتمنى إن يعم العدل ومخافة الله |
أخي العزيز مدغشقر
هل أنت متأكد من معلوماتك ؟ أقصد إتهامك لمدير المبيعااات !! أرجوا أن تكون متأكداَ ! حتى لاتدخل في ذمتك شيء !! |
أخوي : أرجوا أن تكون متأكداَ ! حتى لاتدخل في ذمتك شيء !!
|
أخي العزيز مدغشقر
هل أنت متأكد من معلوماتك ؟ اذ تبي شه من منهم ابشار بسعدك |
الكراسي تغير بس اتمنى يكون الخبر غير صحيح مشكله والله وهذا خلل اداري
اذكر احد اقاربي كان يراجع البلديه فوقف له موظف وقال بختصار موظوعك غير نظامي وبعد ماجاب له واسطه قل اهلا وسهلا تامر امر كيف تغير النظام بدقايق عجب ؟ الفساد الاداري هو سبب التخلف يجعل الموظف النشط كسول وغير منتج شكرا اخواني (الكرسي دوار ) |
ابشرك اخوي مدغشقر
راجعة الصوامع يوم الاحد الماضي وشفته على الطبيعه والله ان كلامك صدق وصار لي كل ماقلت جاي الساع سبع تخيل واخرتها احمل ثلاثين كيس بعد التحقيق والمعانه حتى مافيه بوفيه تبل ريقك منها ودي اعرف وين مديرهم العام وين المراقبين وين الناس شغلهم يقهر ويبط الكبد يناس والله شغله مايرضي رب العالمين مايخاف من العقوبه |
السلام عليكم ورحمة الله وبركاتة...........
ولا تنسى يأخي العزيز ...........وقوف شاحنات القمح على الطريق الشرقي حيث انها قد تسبب الحوادث |
أعتقد انهم يحاولون ارضاء الجميع بتوزيع عادل
حتى مصنع الإسمنت هذي طريقته ومافيها شي لأن الجميع محتاج والكميه لا تغطّي يعني مو معقووووووول المستودع مليان ويقولك لا ماراح نعطيك وشكلك ماتبي تمسك سرا ؟!!! .... ... .. . |
اخواني اهل بريده والله ثم والله وانا مسئول امام الله عن ما اقول
يوم السبت والله اني جاي لم الصوامع الساع سبع والله اني جالس حتى الساع اثنى عشر يوم الاحد 24/8 /1427 تم توزيع عشرين كيس فقط على الحضور ؟؟؟؟؟؟؟؟؟؟؟؟؟؟؟؟؟ وناس والله امام عيني يعطيهم على 100 كيس وليس معهم براوي ولم يمسكون سراء معه عايدي ++++++++++ ياخي وين مدير المصنع البراك عن المهزله اوهو راضي في هذا العمل اهم حاجه مااحد يدخل مكتبه لوكانت شركة كان قالن مهب مشكله هم حر بس دائره حكوميه يعني في خدمة المواطن ؟؟؟؟؟؟؟؟؟؟؟ والله سمعة اناس كبار في السن يدعون عليه يقولن من الفجر جالسين وماقدرنا ( راجع الصوامع ترا العجب ) |
انا سمعت انه جاي دفعة قمح مستوردة بواسطة؟؟؟؟؟؟؟؟؟
وانتم ادرى بالباقي ولا بيدي ولايدك ولابيده اي حل غصب عن الجميع تنباااااااااااااااااع |
اخوي العزيز البلسم وش دخل القمح المستورد من قسم المبيعات انا جاي اشتري مهب اعطيهم قمح
الظلم صاير في مدير المبيعات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟ |
أخوي أرجو أن تكوت متأكد من هذا الموضوع
|
[align=center]اولا السلام عيكم ورحمة الله وبركاته
اما بالنسبه لموضوع الصوامع فان ماقيل عنها كله صحيح 100% والشي هذا اقوله وانا متاكد منه لاني اشتغلت بالصوامع فتره ماهي قليله وشفت الى يصير فيها بشكل يومي خصوصا ان شغلي مرتبط بالمبيعات كما انوه ان الموظفين التابعين لادارة المبيعات لا حول لهم ولا قوه ولا يستطينعون التصرف باي شئ بدون الرجوع الى مدير المبيعات حيث انه هو المتصرف الوحيد بالكميات فيقوم بتوزيعها كيفما شاء ولمن يشااااااااااااااااء ( المصلحه الشخصيه هي التي تحدد الكميات ) والله على ما اقول شهيد[/align] |
| الساعة الآن 02:35 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة