منتدى بريدة

منتدى بريدة (https://www.buraydh.com/forum/index.php)
-   ديوانية الشعر والأدب (https://www.buraydh.com/forum/forumdisplay.php?f=29)
-   -   لعيونك.. اسمي سعود لو كان ضيـدان ,,,,,,!!!! (https://www.buraydh.com/forum/showthread.php?t=72945)

بنت قطر 19-02-06 03:18 pm

لعيونك.. اسمي سعود لو كان ضيـدان ,,,,,,!!!!
 
قصيدة ذات معااااانى ظريفه
أتمنى ان تناااال على اعجاااااااابكم


كلّ البشر فـي الاتصـالات يخطـون
يخطون واخطي.. عذرنا هاتف فلان؟؟
ومن عادتـي ماهتـمّ باللـي يقولـون
من غلط في رقمي ..لقى الردّ غلطـان
الين جـااء فـي يـوم ..دق ّ التلفـون
شفت الرقم.. لقيتـه اشكـال والـوان
فتحت جوّالـي ابعـرف مـن يكـون
سمعـت صـوتٍ فيـه بحّـه وفتّـان

* * *

قالت لي: انت سعود؟ قلت: ايه بالعون.
لعيونك.. اسمي سعود لو كان ضيـدان
قالت :اتظنّي مخطئه. قلت :وشلـون؟؟
قلبـي توقّـف مانبـض فيـه شريـان
بالهـون يابنـت الاجاويـد بالـهـون
من عـادة الانسـان يرتـاح لانسـان
تسمّعـي يابنـت وابلـيـس ملـعـون
اخذي كلام ٍ مصدره صـدق وجـدان

* * *

ماني بقايل لك: انـا انسـان مزيـون
اطرق ولاله شبه في الانـس والجـان
انا محمّـد.. وافـي الهـرج مـوزون
اوزن كلامي.. قبـل اقولـه بميـزان
وانا الّـذي لاحـبّ ..لايمكـن يخـون
مخلص مدامه حيّ ..ويمـوت ماخـان
وانـا اذا حبّيـت.. حبّيـت بجـنـون
حبّـي يفجـر داخلـي الـف بركـان
وانا الّذي ماطـرد ورى مـن يقفّـون
من صدّ عنّي عمد.. بجزيـه حقـران
هذي وصوفي ..واكثرالنّاس يشـرون
وانتي عليـك اليـوم تقديـر الاثمـان

* * *

قالت :اشوفك قمـت يامحمـد تمـون
تضحـك وضحكتهـا تقاسيـم فـنّـان
قلت :الميانه.. ماهي بضحكـة سنـون
احيـان ماتلقينهـاا بـيـن الاخــوان
ترى الميانه شـيّ واضـح ومضمـون
اذا اجتمع شخصين.. في قلب ولسـان

* * *

قالت :كلامك وافـي ٍ يابـن خلـدون
احيان احسّ ان جلستـك بيـن شيبـان
يامحمد ..اسمع كلمة البنـت ميسـون
اسلوبك ووقتك.. مضت دونها ازمـان
هـذا زمـن قدواتـه افـلام كرتـون
وهذا زمان ارجالـه اجسـاد وابـدان
قالت.. وغنّت لي على وقتـي لحـون
قلت: اسكتي من بعد ماخاطري شـان
انا ادري ان الوقت.. من دون في دون
لكن فمـان الله وانـس ِ اللـذي كـان

* * *

قلته وانا صامل.. وهـي عندهـا آذون
لكنّـهـا ماصـدّقـت سـمـع الاذاان
ضاقت ...وخلـق الله دايـم يضيقـون
وانا قفلـت الخطّ..ضايـق وزعـلان
ونسيت.. والاجواد في الوقت ينسـون
ماسـمّـي الانـسـان الاّ بنـسـيـان

* * *

المشكله..بـنـات حــوّا مايسـلـون
دقّت علـي وانـا لهـا شبـه شفقـان
قبل آآتكلّم.. قالـت: اسمـع ولاتهـون
اسمي مهو ميسون.. حان الصدق حان
الاسم عمشاء وآخـر الجـدّ مصيـون
مهـره ولا طوّعـت بلجـام وعنـان
قلت: ارحبي مليون تضـرب بمليـون
اقولهـا مليـون مـن قلـب ولسـان
قلت: ارحبي في العين ..ولحافك جفون
وظلالك من الشمس باهـداب الاعيـان
ياعيـن حـر ٍ بالمطالـيـع مفـتـون
حر ٍ شـراه مولّـع الصيـد طربـان



منقول

بنت قطر

الـمـهـاجـر 22-02-06 01:00 am

رائع ... اختيار رائع .
شكرا لك .

ميدوو 22-02-06 11:52 pm

شكراً لك اختي الكريمة على جهدك معنا

البراق999 23-02-06 12:06 am

[align=center]الله يعطيك العافيه اختي بنت قطر على القصيده الرائعه وتسلمي يالغاليه[/align]

بنت قطر 15-06-06 12:52 am

اشكر تواجدكم

وبارك الله فيكم على التشجيع

زهور العمر 15-06-06 11:33 pm

رائع ... اختيار رائع .
شكرا لك .

بنت قطر 24-06-06 06:55 am

اشكر تواجدك ولاهنت

خـــــــــــــــالـــــــــد 24-06-06 10:53 am

مرحبا بك اختي بنت قطر


وشكرا لك لنقل هذه القصيده الجميله


و الطريفه ...


قالت لي: انت سعود؟ قلت: ايه بالعون.
لعيونك.. اسمي سعود لو كان ضيـدان



و بعد اذنك تنقل لخيمه الشعر حيث تخصص الشعر النبطي

قلبي خضر 24-06-06 02:20 pm

مشكوره أختي على النقل الرائع

تحيـــــــــــــــــاتي

قلبي خضر 28-06-06 12:19 am

الرد جا مرتين مو بقصدي
وحاولت أحذف الرد الثاني وماقدرت

سامحوووووووووووووووووني

بنت قطر 06-09-06 01:47 am

هلا بكم اخواني واشكر تواجدكم بالموضوع

ولاعدمناكم


بنت قطر ..

سهم العيون 06-09-06 06:59 pm

يااااااااااااااااااااااااااااااااااااااه : اهنيك بقووه على انتقائك .. كلمات وقصيدة ـ عيشتني ..جو


يعطيك العااافيه /// ولا تحرمينا من ذائقتك الحلووووه


وتقبلي تحياتي : سهم العيون

Shawly 07-09-06 05:50 am

تسلمين على القصيدة

بصراحه صح لسان ضيدان قصيدة جيــدة






مع التحية...

بنت قطر 12-09-06 09:19 pm

مرحبــــــا بكم

واشكركم على التواجد ويشرفني اشوف اصحاب القلم القيم بالمنتدى
بموضوعي

وجزاكم الله الف خير

اختكم
بنت قطر ..

ღ ][ وحيدة كالقمر ][ღ 12-09-06 09:53 pm

يسلم لي هالذوووق يالغلا وربي روووووووووووووووووووووووعه


واختيار اروع



لا عدمناكي يارب


تقبلي مرررررررررررررررررررررررررررروري واحترامي


الساعة الآن 10:40 pm.

Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة