|
...:؛:المسافات الطويلة قصيدة اعجبتني:؛:...
http://www2.alrwaq.net/up07/0507220848343565.gif
حبيبي والعلاقة بيننا تدعو للاستغراب احبك والمسافات الطويلة بيّحت سدي احبك والوصل في مجتمعنا زلة(ن) تنعاب وعادات القبايل حكمها ماهوب ينردي صحيح ان روحنا وحده ولكن نعتبر اجناب وجدك بالقسا في هالمواقف يشبه لوجدي وقلبك شاري(ن) قربي ودوني وقفوا احزاب تبيني يوم ابي وصلك ولكن عاجزة يدي! ويدك عاجزة ايضا ولاتقدر تدق الباب ولاهي قادرة تمسح دموع(ن) سالت بخدي أكابر يوم اشوفك واحتفي بك ياهلا مرحاااب واقول اصبر فديتك مالنا غير الصبر بدّي ولاني ناوية قلبك بلوم وشرهة(ن) وعتاب احاول آتصبّر واحبس همومي ولا أبدّي وانا اللي فاهمة وضعك وانا اللي عارفة الاسباب وانا اللي بالمصايب ما فٍ هالدنيا احد قدي وانا ماني أنانية ولو قلبي بحبك ذاب وانا ادري حظي الاقشر وقف من دونك وضدي ولان التضحية بالحب ماهي دردشة والعاب نويت اضحي بحبي لاجل سعادة مودّي رجيتك تبتعد عني وقلت ارحل ولا ترتاب خلاص اليوم ترسيم الحدود وذاااك هو حدي! وابيّن قوة العاشق واشيل الساس والأطناب واقول من الهوا جزنا مع انه صدق ماودي!؟ ورحت بعيد عن عيني وزولك عن عيوني غاب وانا عقبك ما غير ابكي والوم الحظ المصدي صبرت وضاعت الحيلة خيالك ساكن الاهداب وطيفك كنه موصًّى يمر القلب ويعدي! زبنت النت من بعدك دخلت بمنتدى المرقاب عساني انشغل عنك وازيد بقسوتي وصدي وصرت اكتب لهم عنك قصايد كلها اعجاب وهم ماقصروا فيني عجبهم شعري وعدي وكم قالوا لي ابدعتي وكم صفوا لي الالقاب ومع ذلك عجزت اسلى وجرحي دوم يشتدي وانا والمنتدى صارت علاقتنا كما الاصحاب احسه يفرح لفرحي وفي همي لي يهدي وفي لحظة ضعفت وجابني لك شوقي الغلاب سبب بعض الهجوس اللي تجيب الهم وتودي وشلت بداخلي روح(ن) تبيك وخافق(ن) منصاب لقيتك جايني والحال متغيّر و متردي؟ علامك هيكل(ن) محني؟؟؟ علامه عارضك قد شاب؟؟ سألتك وانتظر منك جواب(ن) كافي وردي بعادي هو سبب همك؟؟ جعل يفدونك الاحباب تعال وشرهتك عندي وباب البعد ينسدي تعال وخل احاسيس الغلا في خافقي تنساب ترا ما اقدر على بعدك انا احاكيك من جدي خلاص اليوم ماني حاسبة لاحدن سواك حساب ماعاد ابعد عن عيونك ولو هالكون ينهدي خلاص اليوم لاحيرة ولا لوعة ولا استغراب انا اتحدى البشر لاجلك ولاجلي انت متحدّي اختياري من شعر الشاعرة .؛:البندري:؛. اتمنى ان تحوز على رضاكم http://www2.alrwaq.net/up07/05072208535650339.gif اختكم .؛:ورد:؛. |
مشكورة اختي الغالية ورد ..
قصيدة رائعة بالفعل واشكر الشاعرة البندري وصح لسانها ودمتم |
الله روعة
البندري هل هي الشاعرة الاميرة البندري بن سعود |
http://www2.alrwaq.net/up07/05072405302379299.gif
وعليكم السلام ورحمة الله وبركاته شاكرة لكم اخواني هالتعقيب الجميل سلطانكو المغترب عموري واخوي مالي علم اذا كانت الشاعرة البندري هي الاميرة شاكرة لكم اخواني لاعدمانكم http://www2.alrwaq.net/up07/05072405273380685.gif اختكم ؛:ورد |
العضوه ورد.
. حياكي في خيمة الشعر .. . شرفتي الخيمة بهذه القصيده الرائعه المعبره عن ذائقتك العاليه ... . نأمل مواصلة هذا التفاعل .. . لكي وللجميع خالص التحية والتقدير .. |
مشكورة وررد ما قريتها كاملة ب شكل معانيها حلوة
هالشطر شكله منكسر >> صحيح ان روحنا وحده ولكن نعتبر اجناب أتوقع أفضل تقول صحيح أروحنا وحده ولكن نعتبر اجناب عاد لا تصدقين إن أعرف بس جرعاتي مرات تصيب :) شكرا مرة ثانية |
http://www2.alrwaq.net/up07/05072405302379299.gif
وعليكم السلام ورحمة الله وبركاته شاكرة لكم اخواني هالتعقيب الجميل فهد الطويان طيف الكويتيه وما ادري اختي انا عجبتني القصيدة جدا شاكرة لكم تواجدكم http://www2.alrwaq.net/up07/05072405273380685.gif اختكم ؛:ورد |
قصيدة حلوة والله يعطيك العافية
|
| الساعة الآن 04:46 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة