منتدى بريدة - ناديت وغرتني الايام

اخترتلكم هالقصيديتين للمبدع الفيصل وانشالله تعجبكم وتلامس احاسيسكم وذوقكم الراقي:

الاوله بعنوان ناديت وتقول :

ناديـت والليـل جاوبنـي وبكانـي ---- محد سمعني سوى ليل نـزع دمعـي
ما غير ليلي من الأحبـاب واسانـي ---- يا ويل من همله ربعه مثـل ربعـي
طالت مسافاتي وتاهت بـي ازمانـي ---- وعلمني الوقت كيف أقسى على طبعي
ومن طاول الوقت لو هو قاسي لانـي --- ومن يرفض العشر يقبل عقبها سبعي
كم عاقل صار بأمر الحب هيمـانـي ---- وكم قلب عذرأ ترك فيه الهوى صدعي
يا عازف بالهوى منضومـة ألحانـي ----- رد المواجع نغم في قلبـي وسمعـي
عن الغزل ينتعـش خفـاق ولهانـي ----- وأشرب زلال الهوى من كاس ونبعي
ومادام أنا حي كـل الحـب ميدانـي ----- وان مت يا حادي الأشواق لك بدعي

------------------------------------------------------------------
القصيده الثانيه هي " غرتني الايام" وتقول:

غرتني الايام باقبالها يوم ------ أ ثر النكوفه عند الايّام عجله
جتني لياليها على دف و نغوم ---- أثر الليالي بالغرابيل جزله
فرحة نهار(ن) عقبها ليل و هموم --- من يوم جذ البعد محبوب وصله
فرق الضحى تسهل على باقي القوم-- لكن على الخلاّن ماهيب سهله
ما همّني بعد المسافات معلوم ---- لاشك بعد القرب للصّب قتله
راعي الهوى من راحة البال محروم ---- قربه و بعده نار ماينعرف له
عزّ الله إني في ظبي نجد مغروم ---- راعي العيون اللّي مع الزيّن خجله
من حبّهم كنّي من الحب مظلوم ----- و نفسي عليهم ياهل العرف وجْله
---------------------------------------------------------------

اخوكم راعي الاوله