منتدى بريدة - البارحه ياعبيد

البارحه يا عبيد عييت اناما
قلب الخطا ذكر علي الهواجيس
يالايمي جعلك ببحر الظلاما
ولا ربيط في يدين المحابيس
غديت مثل اللي طواه الهياما
طي حالي مثل طي القراطيس
ويالايمي فرخ القطا والحماما
مخضبات يطربن النواميس
والله لاصلي لي فروض تماما
واسجد لربي فوق روس الطعاميس
بالك تشرف نايفات العدامى
ويولعك غرو بزين الملابيس
يوم الصبا هبت بريح الخزامى
الشوق في قلبي تعدى المقاييس
قلت اه ياما ياصبا نجد ياما
في القلب جددت الجروح المراميس
ليتك من الخلان جبتي سلاما
يرتاح قلب غارق بالهواجيس
لو قلت داله ما يفيد الكلاما
الدمع يكشف خافيات الاحاسيس
الدمع يرسم في عيون الهياما
مع ما شقاهم يا هبوب النسانيس