|
مأريكم بهذا الفعل ياحلوين .......؟
السلام عليكم ورحمة الله وبركاته اخباركم ياحبايبنا الغالين . ما رأيكم بالمزح والعب والا ستهبال مع احد الوالدين اذا كان يقبل به ومن غير استهتار ولا احتقار . صرحة انا اعلق واضحك مع امي مرة انديها بكنيتها ام خالد ومرة اقول لها ابزوجك واحد يوسع صدرك ويسافر بك وغيرة كثير؟ المهم هي تعرف حبها وغلاه عندي الله لايحرمني منها ويرزقني برها و بالمقابل ترد على باستهبال وضحك . سؤالي هل هذا الفعل يقوي العلاقة مع الوالدين او يقلل من مكانته وهيبته . تحياتي لكم يالطيبين |
هلا وغلا بــ ابو مياااار ..اخبااارك ...ووراااك قطعت بالسترااحه ؟؟؟
المهم موضووعك حلووو ... والصراااحه امووت بالاستهبااال مع ابوي وامي ... وبلعكس ماااينقص من هييبتهم ولاشيء ... والله يخلييهم لنا ويرزقنااا برهم يارب .. |
ليتني كنت رسميّه معه مثل باقي خواتي واخواني
على شدّته وحكمته الا اني الوحيده اللي اقدر ارسم على محيّاه الجميل الابتسامه الهادئه البريئه 0 حتى وهو على فراش الموت اذا دخلت لغرفته اتعمّد ابتسم ثم يردّها لي ,, لكنها كانت شاحبه منهكه اتعبها المرض ! يمكن لو أنا كالبقيّه كان مااتعلّقت فيه كثييييييييييييير وكان مافتقدته أكثثثثثر! كنت مغترّه فيه وبقربه لي وحنانه حسبته بيعمّر ,, ماعمري تخيّلت انه راح يموت بيوم 00 نصيحه للي مقصرين اجلسوا مع ابائكم وامهاتكم وعطوهم من وقتكم لكن لا تتعلقون فيهم كثييييييييير 0 عساك بعليّين يارب 0 اعتذر اخي ابو ميار على الاطاله 0 |
بالعكس المونه الزايده تقلل من قدر الوالدين وتقهرهم
امزح معهم لكن بحدود كبيره مهما كانو امك وابوك لو كان شخصيه مهمة لعاملته بكل احترام وبينك وبينهم خطوط حمراء فمابالك بام واب |
بالعكس أحلى شي لما يكون المزح والضحك مع الوالدين طبعا باحترام
وأكره تكون العلاقة رسميه "اذا مامزحت وفليتها معهم اجل مع مين بعدين هالشي يقربهم أكثر ويكسر الحواجز بينهم وبين الابناء ثانكس على الطرح |
المشاركة الأصلية كتبت بواسطة ابو ميار http://www.buraydh.com/forum/tl4s-bo...s/viewpost.gif
http://www.buraydh.com/forum/clear.gif سؤالي هل هذا الفعل يقوي العلاقة مع الوالدين او يقلل من مكانته وهيبته . من ناحيتي احس انه تقوي العلاقة مع الوالدين وبالعكس ماتقلل مكانته وهيبته الحين انا عادي امزح مع امي فرق عن ابوي اتمنى اني امزح معه واضحك لان الأب له هيبه واخيرا اهنيك على طرح المواضيع الرائعه وتقبل مروري |
اتوقع انه من ادخال السرور عليهــــــــــــمـ
|
مممممم بالعكس اتوقع شي حلو ويحس الطرفين انه مافيه حواجز ..
ياليت انا كذا مع ماما وبابا احسن من الرسميه .. اكيد / اشكرك الله يخلي لك اميمتك ويعينك على برهــــــــــــــا |
والله كانك ذيب زوجها وخلها تتونس بدل مانتب مصدع راسها بستهبالك
موضوعك رائع بروعة حضوري له . |
بالعكس انا اعتبرها من باب تقوية العلاقة بين الطرفين
فالابوين يفرحان مادام ابنهما يمزح معهم .. بعيدا عن العلاقة الرسمية بين الطرفين .. فالمزح والاستهبال عليهما اعتبره انا مطلب لتوثيق الحياة للافضل خاصة الاب .. لان الام طبعها رحومة وتتقبل اي مزح يعني الامر عادي عندها .. لكن الاب هو الصعب المزح معه .. ولكن مادام وصلنا لمرحلة المزح معه اعتبرها جيدة من وجهة نظري . انا اعرف واحد لااتصلت عليه أمه يقولها هلا ب( خلفهم ) .. يعني كأنها احد خوياه .. وهي فرحانه قوة >> فكيفي من الاستهبال فرحتها الصراحة |
اقتباس:
حياك مولاك لاتعلمين تراي قايل للزوجتي ما عندي استراحه من الدوام للبيت ههههه. لنا مرات اذا طفأ المجلس ههه امين الله يرزقنا برهم ورضاهم اسعدني مرورك سكرانه |
لا بالعكس يوسع صدره ويفرحه ويدخل عليه السرور وهي ماتبي تصير هيبه الا علشان تطلع رجال توسع صدره وتصير قد الحمل
الله يخليه لك ويزيدك من بره والمسلمين اجمعين |
أبو ميار على حسب طبع الوالدين بس الغالب منهم يحب يضحك مع عياله ويحب يضحونه عياله ومافيه أجمل من توسيعة صدر الوالدين ورسم البسمة على شفاههم بس انتبه لاتتحمس مرة وتثقل المزح ثم تخطرف للوالدة تحسبها أحد الشباب :) الله يحفظ من بقي ويرحم من توفي منهم |
اعتقد انه يقوي العلاقه مع الوالدين
ولاكن بحدود رحمك الله ياابي تحيااتي لك ابو ميار |
اقتباس:
ردك صيحني ما اتخيل اني اقدر اكمل حياتي من غير ابوي يارب اني اموووت قبله يارب الله يرحمه ويجمعك فيه بالجنه ويصبرك يارب |
| الساعة الآن 01:25 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة