|
الـــغريـب إنــه مـطــــــو‘ع !
[glow1=#ff0000]أهلين
ولد عمّي عنده بيت وعارضه للبيع فاتصلت عليه لأستفسر عن مكان وقيمة البيت فأخبرني بكل شيء وقال ان البيت الآن مؤجر لشخص رفض انه يخرج منه مع ان فترته انتهت ولكنه يتحجج بحجج واهية والغريب انه مطوّع !!!!! قلت كيف ؟؟؟؟ قال واضح عليه انه مطوع لحيته طويله ويدعي الالتزااام قلت يابن عمّي لاتغرك المظاهر حتى لو شفته يتقطع من البكاء في جووووف الليل لايهمك الوقا الحالي غير التعامل فقط وهو الحل الوحيد للحكم أما لحية طويلة وثوب لين الركبة ومسواك يطلع من بين الكتوف وهو في مخباته فهذا كله يرجع لصاحبه . أنتم كــ أفراد شعب كيف تحكمووون ؟؟؟ [/glow1] |
اعقل واترك عنك الرمي على المتمسكين بسنه الرسول صلى الله عليه وسلم
كفـــــايه ... ياكفــــايه ... ا |
اقتباس:
لايكون انت المستأجر بس !! أجل متمسكين بسنة الرسول صلى الله عليه وسلم أجل حنا وش متمسكين فيه !!!؟ |
بعيد عن الدخول في مسائل التدين يوجد طرق نظامية لحل مثل هذا المسائل المتكررة بكثرة ( والله يعين ولد عمتك ) |
هرجك هذا مامن بعايد عن هرج العجز والبزارين . ولد عمي ومأجر واحد ويوم جاء زبون للبيت طيب قرر يطلع هالمستأجر .
طيب يمكن إن فترة الآجار مانتهت وولد عمك يبي يطلعه بالغصب طمع بالقريشات والزبون اللقطه وتسذب عليك بمسألة إن مدته منتهية.. والضحيه طبعا هالمطوع اللي أنت جاي تشرشحه كرمال بن عمك ياخيو . من المستحيل تكون مدته منتهية ومايطلع ولعلمك فيه قانون للمستأجر بعد إنتهاء آجاره يعطى شهرين إضافيين ومجانا علشان يبحث عن سكن بديل |
مما نقل عن عمر بن الخطاب رضي الله عنه عندما طلب أن يرشح له شخص يؤتمن على جمع أموال الزكاة رشح أحد الحاضرين رجلا على أساس معرفته به فقال له عمر رضي الله عنه هل هو جارك قال : لا فقال هل سافرت معه قال : لا فقال هل أقرضته مال قال :لا فقال عمر بن الخطاب رضي الله عنه لعلك رأيته يذهب إلى المسجد فقال نعم فقال له عمر إذهب فإنك لا تعرفه .. ولعل فيها ما يختصر الكلام فالالتزام ليس مظهر والدين كما يقول السابقين الدين المعاملة فلو صدقت سرائرهم لكان لذلك تأثير على تعاملاتهم و تصرفاتهم وحتى مظهرهم فالمظهر وحده لا يكفي والقشر لا فائدة منه اذا فسد اللب .. |
اقتباس:
والتعامل فقط بالافعال والامورالنظاميه هو من ينقذ الانسان عند اي تلاعب او محاولات شيطانيه من بعض الاشخاص وممكن قريبك يتجهه للامور النظاميه لان كونه ملتزم او متزوج او بآي نظره تعظميه من بعض الاشخاص هالشي ماينفع ولايوكل عيش !! شكرآ لك آستآذ كفايه |
كفاية يازمن العجايب كفاية ...
وبرأيك الكريم من المُلام ؟ أبن عمك ولما يسمي هذا المستأجر النصاب بمطوع ؟ أو المستأجر الملتحي ولما يلتحي وهو النذل أبن الأنذال ؟! |
نفس ماحكمت أنت عليه
لاوأزيدك من الشعر بيت فيه شيخ يطلع بالتلفزيون ومشهور جداً يطلب من واحد فلوس ولاسدد هذا قاله زوجني أختك بدل اللي أطلبك وزوجها ايه رغم أنهم غير متكافين بالنسب من ناحيتة هو والزوجة هذي بعد ان تم تزوجها منه رفعت طلب خلع وخلعتها المحكمه منه يعني شف شيخ ويفتي للعالم ويستغل هالنقطة |
اقتباس:
اتحدا اي شخص يخرج مستأجر منزل بالقوة النظامية !!! |
اقتباس:
وهرجك هذا مثل هرج العامل حق مزرعتنا يتكلم بشيء مايفهمه بس عشان يشارك اقتباس:
تدري منتهي برمضان وعطاه ولد عمي مهلة مجانية حتى بعد الحج والرجال يماطل والمشكلة المحزنة ان البيت لازم يباع لأسباب أخرى لكن المشكلة هي في مماطلة الرجل والكلام اللي يقوله للمشترين عند حضورهم للمعاينة !! |
اقتباس:
اختصار مفيد يرضي الجميع |
اقتباس:
الملام انا اللي أطرح موضوع تجي فيه تهايط !!! |
طيب ولد عمتك الغريب انه مسلم ....
الحين الخطأ اذا صار من واحد ظاهره الالتزام خليتوا من الحبة قبه واذا جاء الخطأ من واحد مليان عذرايب وعيوب بدينا ندور اعذار ,, يقول الشاعر : من ذا الذي تُرجى سجاياه كلها ,, كفى المرء نبلا ان تعد معايبه |
مو مصيبتنا هالمظاهر ! والله من قل ماطلعت قروش ولد عمتك بو عدي والله يستر لايجيب فتوى تبيح جلوسة لحين حوال الحول من مطعم الفتاوي اللي تقول عنه! قل لولد عمتك يسايسه ويجيه بالتي هي احسن ولايقاشره :( |
| الساعة الآن 04:52 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة