منتدى بريدة - ادري الكذب بالدين حرام لكن كذب المشاعر كيف ..!

المدخل
ليه يدخل
وهو بحبه يبخل ؟

ادري الكذب بالدين حرام
لكن كذب المشاعر كيف ..!

ماأبغى اقول كفر و إعدام
يلعب على قلبن ضعيف ..!

اشوفها أهم من قضية السلام
ومأسيها العن من مؤامرة جنيف ..!

يظهر كل الحب وانواع الغرام
ولاجاء الجد يبيعه برغيف ..!

العشق ضيًع شرف و أحلام
وأطاح حكومات(ن) بدون السيف ..!

وأنا حطنى على أعلى مقام
وطحت طيحه مايطيحهها كفيف .!

ماعرفت تحت الغلا شوية سهام
وحسبته يحشم من كان له ضيف ..!

والله لو المساله كانت إنتقـام
كانت تهون طعنته ياحيف ..!

يهد حيل لاتذكرت كل الكلام
منها احبك وحبي لك شريف ..!

حسبي الله على كل اللئام
ومن أخذ الحب سحابة صيف ..!

أدري الكذب بالدين حرام
لكن كذب المشاعر كيف ..!

المخرج
هو بس يخرج
وعسى الله لي يفرج