طبخ كبسة بدون زيت ولا ماء من الشيف ملح ـوس
 

[align=center]سلام للعزاب

اول ماتدخل المطبخ ربص الرز بماء دافي على حسبب العدد

كل بيالتين لنفر ..

تجيب الكاتم وتقطع فصين بصل وتحطه بقاعة الكاتم

تقطع طماطتين وسط وتحطه فوق البصل

تقطع دجاجة وتحطه فوق الطماط

ترشهم ببهارات وملح الرش يكون فوق الدجاجه

فوق الدجاجه اذا تبي تحط خضار لاباس قطع خضار حسب الرغبه

وصفه فوق الدجاجة ..

بعده تسكر الكاتم وتشب عليه طبعا بدون ماء ولا دهن وتطول عليه

لاسمعته تسسسسس تقصرة حيل كبر راس القعر

وتخليه من ربع لثلث ساعة والثلث احسن

والرز بهالوقت يكون ربص وكل ماكثرت تربيص الرز يكون افضل

بعد الثلث ساعة تفتحه تبي تلقى به ماء من البصل والطمام والدجاج

جب الرز واشخله وكبه فوق ورجه شوي خل الماء يتخلل داخله

سكر الكاتم وشب عليه واشحط النار ولا تسسس اقصر عليه مرره

وخله ربع ساعة او ثلث الى نص ساعة

بعده افتحه وذق الطعم وادع لي ..

ملاحظه الطبخة بدون زيت ولا ماء يعني صحية ميه الميه ..[/align]

ماشاء الله سهله

يعطيك العافيه

فكره حلوه

ودي اجرب بس اخاف يحترق ويلزق بالكاتم الصراحه مالي خلق اغسله :(

يسلمووووووووووووووووووووووووووووووو

الله يعافيك يعجبن الذكي الي يفهم بسرعة :1831:

لا مايصير حب بشرط نقعي الرز تنقيع زين وراك تخافين من الكاتم تراه اسهل شغل بس اهم شي يكون الكاتم اصلي مهوب الرخاص

وليته بدون ماء وبس بدون زيت بعد وبدون تكشين ههههههه
شكلك تبي تقولين وراسيه

حيالله سمو ماعليك جرب وانت متطمن بس اهم شي اضبط الطريقه

وخل عنك العجز مهوب حرق توكل على الله وجرب

[align=center]ماشاء الله طريقة ولا اسهل :)[/align][align=center]

متى يجي دوري بدورية الخميس نجرب على الشباب :)


بس الله يستر لا يصير دوري في الدورية سحور :(

شكرا ملحوس[/align]

هلا والله To Be اصبر اصبر

لا تجرب بالدوريه اخاف ماتضبطه ويصير راسك نصه صعارير :4_1_6[1]:

جربه لحالك ولاضبطته جرب على الدوريه

تراي خابرهم راعين الدوريات يجيك الواحد طاقه الجوع

ويحترون النثريه على جمرر

العفو حبيبي

شكله حلوو


جاري التطبيق

الله يستر من ردة فعلهم


شوكررن ملحووس