وش حيلتي في اللي عيونه سلاحه‎ ...؟؟؟؟
 

يا اللي ملكت الروح لا تتعب الروح
هون على روح تبي منك راحه *

دار الخفوق اللى بالاشواق ملحوح
لح الغريب اللي نوى البعد زاحه *

وأرحم فوادي من التسلي والمزوح
وأنته فهيم ابسلوته وانشراحه *

مضناك من الفرقه جريح ومطروح
دامك بعيد من يداوي جراحه *

جازيتني عن طول وجدي ومسموح
بنار في قلبي مساه وصباحه *

ما أقدر على بعدك وأنا منك مذبوح
وش حيلتي في اللى عيونه سلاحه *

قلبي من اصدودك مثل طير مجروح
طاوي على كسر المحبه جناحه *

شفتك بعيني بر في لجه ايلوح
وأنا غريق وما اعرف السباحه *

حسنك وزينك متلفني ولا بوح
خيم على قلبي غدر واستباحه *

ليلي ونهاري من عنا شوقي انوح
عطني من الاشواق يوم استراحه*

يا ليت ترحم حالتي قبل لا أروح
وتروف بااللى يعد شوفك رباحه*

قل لي شعورك في صراحه وبوضوح
أنا أحبك قلتها في صراحه....*
*****************
مما رااااق لي واتمنى يروق لكم انتم بعد http://www.ahla-forsan.com/vb/images/smilies/smile.gif

((مهااااااااااوي ))

[align=center]
/
~
/


صح لسانكـ ولسان شاعرها
كلمــــــــــات رآقت لي
يسسلم لنا احساسسكـ الرآقي
دمتي متآلقهـ في روح الششعر...[/align]

أبيات معبره!.. وفيه تصوير بليغ! يثير الاشجان!

طبت مهاااااوي على الاختيار!

ابيات ممتعة
واللي عيونه سلاحه مالو حيله صدق

يسلم لي مروركم العطــــــــر .... كلكم ذوووووق

يعطيك العافية على النقل الرائع

الله يعطيك العافية