منتدى بريدة

منتدى بريدة (https://www.buraydh.com/forum/index.php)
-   ديوانية الشعر والأدب (https://www.buraydh.com/forum/forumdisplay.php?f=29)
-   -   من أم لابنها العاق بها (https://www.buraydh.com/forum/showthread.php?t=239858)

ملاك الإحساس 30-05-10 10:49 pm

من أم لابنها العاق بها
 
هذه القصيده اللي تقطع القلب
التي كتبتها أم لولدها

الذي وضعها في دار المسنين ولم يعد يسأل عنها ,,,,,

وين انت يا حمدان امـك تناديـك
****
وراك ما تسمـع شكايـا وندايـا

يامسندي قلبي على الدوم يطريـك
***
ماغبت عن عيني وطيفك سمايـا

هذي ثلاث سنين والعيـن تبكيـك
****
ما شفت زولك زاير يـا ضنايـا

تذكرحياتي يوم اشيلك واداريـك
****
والاعبك دايـم وتمشـي ورايـا

ترقد على صوتي وحضني يدفيـك
****
ما غيرك احدٍساكن فـي حشايـا

واليامرضت اسهربقربك واداريك
***
ماذوق طعم النوم صبح ومسايـا

ياماعطيتك من حنانـي وبعطيـك
****
تكبر وتكبـر بالأمـل يـا منايـا

لكن خساره بعتني اليـوم وشفيـك
****
واخلصت للزوجه وانالي شقايـا

انا ادري انها قاسيـه مـا تخليـك
****
قالت عجوزك مـا ابيهـا معايـا

خليتني وسط المصحه واناارجيك
***
هذا جزا المعروف وهذا جزايـا

يـا ليتنـي خدامـة بيـن اياديـك
****
من شان اشوفك كل يومبرضايـا

مشكوريا ولدي وتشكرمساعيـك
***
وادعـي لـك الله دايـم بالهدايـا

حمدان يا حمـدان امـك توصيـك
***
اخاف ماتلحق تشوف الوصايـا

اوصيت دكتورالمصحه بيعطيـك
***
رسالتي واحروفهـا مـن بكايـا

وان مت لاتبخل علـي بدعاويـك
***
واطلب لي الغفران وهذارجايا

وامطرتراب القبربدموع عينيـك
***
ما عـاد ينفعـك النـدم والنعايـا


عادل الحبيتر 30-05-10 11:07 pm

[align=center]قصيده محزنه

فعلا نستغرب من بعض الابناء عندما يعق والديه
الله يخليهم لنا ويرزقنا طاعتهم


اشكرك كل الشكر
على القصيده المؤثره
تقبلي مروري
ولك ودي
عادل[/align]


الساعة الآن 09:27 am.

Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة