ان عاكس الحظ
 

لا ترهق النفس والتفكير وجهودك
......................... يالآدمي دامه الرزاق كافلها
لو كنت جيد ترى ما ينفعك جودك
......................... الدنيا ماهي على كيفك تفصلها
ان عاكس الحظ ماينفعك مجهودك
......................... والله لوهي بجنبك ما تحصلها
اعرف قدر ماتحمل النفس وحدودك
........................ ما دام نفسك ضعيفه لا تحملها
الله هو اللي يحدد نقصك وزودك
......................... يزيد من قسمتك والا يقللها
القسمه اللي كتب ربك ومعبودك
........................ تاصل ولا ترتجي منهو يوصلها


قصيدة : انسان عادي

ابيات معبره فعلا ايها الانسان العادي

وفعلا ما قلت هنا هو الصحيح
ان عاكس الحظ ماينفعك مجهودك
......................... والله لوهي بجنبك ما تحصلها

أشكرك أخي أنا هنا على هذا الكلام الجميل واشكرك مره أخرى على التواصل وكل عام وانت بخير .
أخوك انسان عادي