حتى أنت يأسواق السحيمان بمشعل ... !!!
 

مع انها ليست في حارتي إلا أني توقفت قبل أيام عند تموينات السحيمان في حي مشعل بشارع الثمانين.. واشتريت بعض الأغراض

وحينما وصلت البيت وأخرجتها من البيت وجدت أن السعر الذي أخذه المحاسب مني (وهو هندي أو بنغالي) يزيد عن السعر الحقيقي للأغراض..!!

إلى هنا وتصير في أكثر الأماكن..

مريت الليلة وفكرت أخذ أغراض .. وقلت أتوقف عند السحيمان وكنت مسجل أغراضي السابقة بورقة فورية

أول مارحت لشخص لابس سعودي بس شكله مو سعودي.. يماني أو سوري..
كلمته وقلت هذي ورقة أغراض احسبها لي.. حسبها عطاني نفس السعر اللي توصلت لها ..
قلت له أني جيت قبل يومين وحسبها العامل بسعر أعلى.. قال ما ادري .. شف العامل..؟
رحت للعامل قلت نفس الكلام.. وقسم بالله ماهمني الفرق لانه طفسة وياما ضاع وضاع.. بس شيء بالنفس
فوجئت برده وقال أنا ما أذكر.. وليش مارجعت على طول... وأيد كلامه أبو شماغ,..!!

قلت برضه.. خليها .. يمكن أنا الغلطان..
ويوم طلعت مسكتي رجال حاسب وطلع قبلي... قال يا أخي مهب أنت أول واحد يجي يناقشهم.. يقول أنا من الحارة وكل ماجيت لازم ألقى واحد جاي يشكك بالحساب.. ويقول انهم مزودين عليه... وهذي ردودهم... وقال مالك الا تتحسب عليهم.. وحقك بتلقاه عن رب العالمين

قلت له جزاك الله خير.. بس مو من حق الاسواق انها تسرق الناس عيانا بيانا .. وعلى الأقل من غير مانحذر الثانيين منهم...

وتذكرت الكتابات اللي كتبت عن بندة والعثيم وجيان.. ومخالفتهم بالسعر.. والتي جعلت كل واحد وانا منهم ندقق عند الوقوف عند الكاشير.. وباعتبار كلام الرجال اللي يعتبر من زبائن الاسواق.. فحق اني احذر كل من دخل اسواق السحيمان انه ينتبه.. ويشيك على أغراضه.. ولايتركها للثقة .. خاصة مثل المحاسب الهندي الذي يبدو أن عدم حزم صاحب الاسواق معه جعله يتمادى أكثر فأكثر...!!!!!

ماشاء الله والله نعني لهم بضاعتهم فيها تخفيض دائما

والحساب دقق معه

اسعارهم معقوله جداً وحتى انها مخفضه اكثر من المحلاات الكبيره


لكن انت المفروض اذا جاء يحاسب تشوف وش انت مشتري وهو يحاسب مب لازم تروح للبيت على شان يحسبون لك






اما تفاوت الاسعار فشاهدها بالبقالااات التي بنفس الحاره بعض الاغراض اسعارهاا عالية جداً

لازم الواحد يكون حذر لكي لايكون ضحيه مثل اخينا نواف
لاكن لعله دفعت بلى....

[align=center]أنــا الـصراحــه أشــتــري مــنـهـم وأســعــارهــم مـثــل الـعـثـيم وبــنــده يـعــنــي مـعـقـوله مـو مـثل بـعــض الأســواق مـثل أســواق الـسـلـمـان بـكـل شــيء تـزود ريـال !!
http://dc03.arabsh.com/i/00113/5cvbd8pn7ipm.gif[/align]

أشكر كل الذين تفاعلوا وعقبوا على الموضوع
ومشكلتنا نحن اننا لدينا ثقة كبيرة ولم افكر ولو لمرة أن يسرقني العامل هكذا
نعم اتحمل خطأ عدم المراجعة
لكن السوق ايضا يتحمل سرقة الكاشير للعملاء دون موقف منه
خاصة انه تكرر كثيرا حسب الشخص الذي كلمني عند الباب

وبخصوص الاسعار فمن يقول انه رخيص
ومثال للاغراض التي اشتريتها حسب علي حبة الدجاج المفروم الوطنية بـ 7 ريال بينما هي عند بنده والعثيم بـ 6 و6.30
وحسب زيتون ايديال الكبير بـ 9.30 بينما هو عند العثيم بـ 8.30
وسعر الرز ابو كاس10 كيلو آخذه من العثيم بآخر رمضان بـ 63 وعنده سعره 72 ..
هذا الي حسبته على السريع

وعن كونه لفلسطيني فهالمعلومة اكده لي احد الجيران له وقال ان السحيمان مجرد اسم

احذ من كل شي الاسعار.
توريخ النهاية .
التوريخ المعدله من جديد
والخير واجد في هذا الموضوع

احسن شي بقالة الحجيلآن..ولا سلة زها اللي بالنصار..اسعارها معقولة..وحلوة..ولا فيه غش..

أنا من المترددين على السحيمان باليوم أكثر من مرة
الحقيقة من إيجابيات هذه الأسواق كل شيء عندهم
حتى أدق الحاجات بل أستطيع القول يوجد فيها من الأشياء
ما لايوجد في غيرها حتى من الأسواق الكبيرة جدا
ومن إيجابياتهم أيضا الركض وراء الزبون .... من يوم تصرخ
وتنادى إلا جايك أكثر من عامل حافظين كل شيء بالاسم والمكان

يؤخذ : عليهم رفع سعر بعض السلع .... ويجدر بكل عميل ينبه
وينوه عن السعر إذا كان مرتفعا ...