منتدى بريدة - الرجا في عيد الفطر يمكن انـك ترجعيـن

صبآحكم / مسآئكــــم ... رضآ وسعآده http://s-alrooo7.com/vb/images/smilies/rose.gif http://s-alrooo7.com/vb/images/smilies/004.gif

كل عآم وأنتم بخيرhttp://s-alrooo7.com/vb/images/smilies/smilies6.gif

صدقيني العيد نفسـه مـا تغيـر مـن سنيـن

فرحة اطفال وتلاقي..لمّة احباب وقرايـب

والاغاني والكروت وقولـة (مْـن العايديـن)
والتمام الشمل يوم العيد .. وانسـام الهبايـب

والتهانـي والهدايـا وحـب روس الوالـديـن

والمواصل للعمام .. وللخوال .. وللنسايـب

كل حاجه مثل ماهي بس انـا حالـف يميـن

إن لا غبتي باسجّل نفسي في هالعيد غايـب

وارجعي بالذاكـره يابنـت وانتـي تعرفيـن

ليه احس العيد عقبك جيّتـه جيّـة مصايـب

ليه لا طالعت (كرت العيد) اكفكـف دمعتيـن

من ذكرت اعيادنا وأيام كان الوضع طايـب

أذكر اني من (مصلى العيد) وانتـي تذكريـن

كنت اسابق خطوتيني متّجـه يمّـك وذايـب

لجل اكون الشخص الاول لجل مني تسمعيـن

في صباح العيد .. جملة (كل عام احنا حبايب)

لجل نكتب خلف (كرت العيد) ذيـك الكلمتيـن

كنت اجيك بقلب طفل وطيش شاب وثقل شايب

كنت انا اعايد وحالي حـال باقـي العاشقيـن

وما معاي الا خفوقي وذي عيوني لك وهايب

وإنتي في اجمل ثيابك كاشخه والزيـن زيـن

تثبتين إنك عجيبة غير عـن كـل العجايـب

فرحة العيد .. بلقانا كانـت اصـلاً فرحتيـن

مثل ضحكات الورود ومثل زخّات السحايب

ما ليوم العيد طعم وما لهـا الذكـرى حنيـن

وكل منّا في مكان وكل واحد لـه طلايـب

الرجاء في عيد الفطر يمكن انـك ترجعيـن
ما اقول إلا عسى الله يجازي من كان السبايب

وإن رجعتي وشفتيَ إني فـي عـداد الميّتيـن

ذا انا باوصيك حاجة قبل تنحـط النصايـب

طالبك في كل عيدٍ .. بعد موتـي .. تكتبيـن

خلف (كرت العيد) جملة كل عام احنا حبايب