منتدى بريدة - على مد الجدي

[frame="13 98"]
إبعدي ثم إبعدي ثم إبعدي.. لا يبعدي = إبعدي عنّي لأنك لو قربتي.. ما يفيد
مِير أنا بسأل جناب الدّلعنه.. أنا هدي = للطّعون اللي تِصيبك من جِماعه ما تِحيد
عن طِريق الشّر وإيقاظ المواجع والغدي = جاوبي.. لا تستحي.. قولي ترى محدٍ جديد
جرح.. عادي إجرحي لأنّه تعوّدك إجهدي = ما عن إجروحي غطا.. قولي.. تحكّي بالمفيد
جاوبيني لا يهمّك إنعماسي واسهدي = من متى جرحي يهمّك.. خابره قلبك حديد
قلت لك إحكي.. أبسمع وش سبب جعلي فدي = كيف.. وش قلتي.. ظلمتك.. ما أبي منك مزيد
اسدلي ذيك الستاير عن جوابٍ عسجدي = وانفظي عنه الغِبار وإجعلي وظحه يِزيد
المزيد من الصراحة بإعترافٍ سرمدي = والنّفيس من إعترافك والزّهيد من العنيد
والقليل من الدموع الغالية.. لو بالشّدِي = ما يخالف بس أصدق .. هذا هو بيت القصيد
كيف أنا أظلم ولجلك قِد سلكت الجرهدي = تاركٍ لجلك طريق معبد وصرت العظيد
لك على همٍ تشيلينه وصرتي تقتدي = بي وذا أكبر دليل إنك رإيتيني فريد
وإعترفتي لي بأني كالذهب.. لا تجحدي = في مواقف ما تحمّل إنحيازك للجِحيد
في مواقف أثبتت لك بإنّني أنا إوحدي = أستحق الإنصياع وقلتي يارب العبيد
تدعي المعروف دايم.. قلتي لوّه في يدي = مستحيل أرضى بغيرك لو تركني.. ما يسيد
خافقي إلا جنابك ياحبيبي وسندي = صخّرك ربي تظحّي لي ولا بي تستفيد
بالنهاية من ظَلم.. ياهيه روحي ورقدي = قالت إيش.. إني ظلمته.. يا أحاسيس الجليد
بس أبي آعلمك قبل النهاية بوعدي = أوعدك أنعي غلاتك ويتلقاه الزهيد
ووعدك غصبٍ تشوفيني على مد الجدي = واوعدك صقر إحترامي في فؤادك ما يِبيد
وكل ما مر الزمان.. إتصرّخ إجروحك.. ردي = إيه ردي من هو يظيّع حب وإحساس رِغيد
إحصدي ما قد زرعتي بالمكابر إحصدي = وإرحلي عَن مِن خذلتي.. إرحلي يم الظّديد
لي رصيد إمن الصّبابه والحروف الشّرّدي = هو أحد جابر جنابك ما تحفظين الرصيد..!

[/frame]